جامبىل وبلىسى سايلاۋ ناۋقانىنا دايىن

وبلىستىق سايلاۋ كوميسسياسىنىڭ توراعاسى سەرعالي ايداپكەلوۆتىڭ ايتۋىنشا, وبلىس بويىنشا 38 اۋىلدىق وكرۋگتەگى 93 ەلدى مەكەندە 89 ۋچاسكەلىك سايلاۋ كوميسسيالارى جۇمىس ىستەيدى. ال, ونداعى ساياسي شارالارعا ات سالىساتىن ازاماتتار سانى دا ناقتىلانعان. بۇگىندە ولار قىزۋ جۇمىسقا كىرىسىپ كەتتى. سونىمەن قاتار كوميسسيا توراعاسى بارلىق ۋچاسكەلىك سايلاۋ كوميسسيالارىندا ارنايى وقۋدان وتكەن 625 ادام جۇمىس ىستەۋدە ەكەنىن, ال وڭىردەگى 10 اۋداننىڭ ورتالىعىندا 70 ادام جۇمىلعانىن ايتىپ ءوتتى.

«دايىندىق دەڭگەيىمىز جوعارى. بۇگىندە ۋچاسكەلىك سايلاۋ كوميسسيالارىنىڭ سايلاۋ كۇنىنە دايىندىعى 90 پايىزدى قۇراپ وتىر. ۋاكىلەتتى ورگاندار كەزدەسۋلەردىڭ كەستەسىن جاسادى. جەرگىلىكتى اتقارۋشى ورگاندار جانە جەرگىلىكتى ءوزىن-ءوزى باسقارۋ ورگاندارى كانديداتتارعا سايلاۋشىلارمەن كەزدەسۋى ءۇشىن شارتتىق نەگىزدە 71 ءۇي-جاي بەلگىلەدى. جەرگiلiكتi اتقارۋشى ورگاندار تيiستi سايلاۋ كوميسسيالارىمەن بiرلەسiپ, بارلىق كانديداتتار ءۇشiن ۇگىتتiك باسپا ماتەريالدارىن ورنالاستىرۋ ءۇشiن 96 ورىندى انىقتادى. ولاردى اۋداندىق گازەتتەر بەتتەرىندە حاباردار ەتىپ, اۋداندىق اكىمدەردىڭ ينتەرنەت-بەتتەرىندە ورنالاستىردى», دەيدى سەرعالي ايداپكەلوۆ.

ايتا كەتەيىك, سايلاۋ پروتسەسى باستالعاننان بەرى وبلىستاعى اۋىلدىق وكرۋگ اكىمدەرىنە جالپى سانى 122 كانديدات ۇسىنىلعان. اۋداندىق سايلاۋ كوميسسيالارى 14 شىلدەدە 116 كانديداتتى تىركەگەن. ال, 4 كانديدات ءتۇرلى سەبەپتەرمەن تىركەۋدەن باس تارتقان. ونىڭ ىشىندە 2 كانديدات ءوز كانديداتۋرالارىن قايتارىپ الۋ تۋرالى ءوتىنىش بەردى. ال, 2 ۇمىتكەردى تىركەۋ تۋرالى شەشىمنىڭ كۇشى جويىلعان. سونداي-اق جالپى تىركەلگەن 116 كانديداتتىڭ ىشىندە 24 ايەل ازاماتتار دا بار.