ترياتلوننان پاۆلودار قالاسىندا ءوتۋى ءتيىس قازاقستان بىرىنشىلىگى كەيىنگە قالدى, دەپ حابارلايدى Egemen.kz. بۇل تۋرالى فەدەراتسيانىڭ ءباسپاسوز قىزمەتىنە سىلتەمە جاساپ Olympic.kz سايتى جازدى.
ەل چەمپيوناتىنىڭ وتكىزىلمەۋىنە باستى سەبەپ – پاۆلودار وبلىسىنداعى كارانتيندىك شەكتەۋلەردىڭ كۇشەيتىلۋى. شەكتەۋلەرگە بايلانىستى ايماقتا سپورتتىق ءىس-شارالاردى وتكىزۋگە تىيىم سالىندى.
وسىلايشا, 2021 جىلعى جارىس كەستەسىنە بىرقاتار وزگەرىس ەندى. 24 شىلدەدە پاۆلوداردا وتەدى دەپ جوسپارلانعان ەرەسەكتەر اراسىنداعى قازاقستان بىرىنشىلىگى ۇيىمداستىرىلمايدى.
سونداي-اق 7 تامىزداعى جاستار ويىنى قاراعاندى وبلىسىنداعى ساران قالاسىنا اۋىستىرىلدى.