اتىراۋ وبلىسىندا جىل باسىنان بەرى كارانتيندىك شەكتەۋلەردى بۇزعان 500-گە جۋىق دەرەك تىركەلگەن, دەپ حابارلايدى Egemen.kz.
مونيتورينگتىك توپتار 10 مىڭعا جۋىق رەيدتىك شارا وتكىزىپ, 42 542 نىساندى تەكسەرگەن. كارانتيندىك شەكتەۋ شارالارىن بۇزعاندارعا جالپى سوماسى 48 ملن تەڭگەدەن استام ايىپپۇل سالىنىپ وتىر.
ماسەلەن, 1-12 شىلدە ارالىعىندا 344 تەكسەرۋ جۇرگىزىپ, 1 190 نىسان باقىلاۋعا الىنعان. ونىڭ ىشىندە 20 نىسان كارانتيندىك شەكتەۋ شارالارىن بۇزعان. ولارعا قاتىستى اكىمشىلىك حاتتامالار تولتىرىلىپ, سالىنعان ايىپپۇل كولەمى 2 ملن 500 مىڭ تەڭگەنى قۇرادى
«اتىراۋ قالاسىندا 13 مونيتورينگتىك توپ بار. جۇمىس كۇندەرى كۇندىز تەكسەرۋ جۇرگىزۋگە ءبىر توپ شىعادى. ال, دەمالىس كۇندەرى ءۇش توپ نىساندارعا تەكسەرىس جۇرگىزەدى. موبيلدىك توپتاردىڭ نىسان ىشىنە كىرۋىنە كەدەرگىلەر تۋىندايدى. ويتكەنى, نىسان يەلەرى ەسىكتى ىشىنەن ق ۇلىپتاپ, جۇمىسىن جالعاستىرا بەرەدى. وسىنداي سەبەپكە بايلانىستى مونيتورينگتىك توپ نىساننىڭ ىشىنە كىرىپ, تەكسەرىس جۇرگىزە المايدى. سوندىقتان, مەيرامحانا يەلەرىمەن, سالتاناتتى شارا وتكىزۋشىلەرمەن تۇسىنىسپەۋشىلىك مەن كيكىلجىڭ ورىن الادى», دەيدى اتىراۋ قالالىق كاسىپكەرلىك جانە اۋىل شارۋاشىلىعى ءبولىمىنىڭ باسشىسى رۋسلان داۋلەتوۆ.
ونىڭ مالىمەتىنشە, شەكتەۋلەردى ءجيى بۇزاتىن نىساندار قاتارىندا «فلوريا», «Vivaldi», «SKY BAR», «End Ne Stimz», «رىبا موەي مەچتى» جانە «URBAN» سەكىلدى كلۋبتار مەن بارلار بار.