قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ناۋرىزباي قاجى تاعان ۇلى تانىمال عالىم ءابساتتار قاجى دەربىسالىنىڭ وتباسىنا كوڭىل ايتتى, دەپ حابارلايدى Egemen.kz.
«بۇگىن تاڭەرتەڭ قازاقستان مۇسىلماندارى ءدىني باسقارماسىن 10 جىلدان استام ۋاقىت باسقارعان, ءدىن قايراتكەرى, اكادەميك, كورنەكتى عالىم ءابساتتار قاجى دەربىسالىنىڭ قايتىس بولعانى تۋرالى قارالى حابار جەتتى. مارقۇمنىڭ وتباسىنا, تۋعان-تۋىستارىنا, بارشا مۇسىلمان قاۋىمىنا تاعى دا كوڭىل ايتامىن. اللا الدىنان جارىلقاسىن. يمانى سالامات بولعاي. ءامين!», دەدى باس ءمۇفتي ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.