ءبىلىم جانە عىلىم مينيسترلىگى مەكتەپ پەداگوگتەرى ءۇشىن تەگىن تسيفرلىق كۋرس ازىرلەدى. وعان پەداگوگيكالىق جوعارى وقۋ ورىندارىنىڭ ستۋدەنتتەرى دە قاتىسا الادى, دەپ جازادى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
«پاندەميا جاعدايىندا مۇعالىمدەردىڭ ءرولى, قوعامداعى ورنى مەن ەڭبەگى ودان ءارى ايقىندالا ءتۇستى. تسيفرلاندىرۋ زامانىندا مۇعالىمدەردىڭ ءىت قۇزىرەتتىلىگىن ارتتىرۋ قاجەت. كۋرس پەداگوگتەردىڭ تسيفرلىق داعدىسىن جەتىلدىرۋگە باعىتتالعان. باعدارلاما ەۋروپالىق ءبىلىم قورىمەن بىرلەسىپ ازىرلەندى. ەبق ساراپشىسى بەينەپەداگوگيكا نەگىزدەرى بويىنشا سەسسيا وتكىزىپ, بەينەماتەريال جاساۋ بويىنشا ادىستەمەسىن بولىسەدى. كۋرس ءبىلىم جانە عىلىم مينيسترلىگىنىڭ www.edu.kz پلاتفورماسىندا ورنالاستىرىلادى. سونداي-اق Microsoft Kazakhstan, Bilim Media Group جانە Kundelik وقىتۋ كۋرسى اياسىندا پەداگوگتەرگە ارنالعان بەينەدارىستەر ازىرلەدى», دەدى قر بعم «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ باسقارما ءتورايىمى اسەل مۇحامەتجانوۆا.
قازاقستاندىق مۇعالىمدەر فينليانديا مەن وڭتۇستىك كورەيانىڭ ءبىلىم بەرۋ پروتسەسىنە يننوۆاتسيالىق تەحنولوگيالاردى ينتەگراتسيالاۋ تاجىريبەسىمەن تانىسادى. كۋرستا تسيفرلىق ءبىلىم بەرۋ تەحنولوگيالارىن پايدالانا وتىرىپ, پەداگوگتەرگە ساباقتى جوبالاۋ ادىستەمەسىن ۇيرەتەدى. سونداي-اق ۇستازدار ActivStudio, Pictochart, Jamboard, Prezi, Flippity ساندىق باعدارلامالارىن كاسىبي تۇردە مەڭگەرىپ, ۇلتتىق ءبىلىم بەرۋ دەرەكقورىنىڭ رەسۋرسىن پايدالانۋدى ۇيرەنەدى.
ونلاين-كۋرستار 2 تامىزدا باستالىپ, 31 قازانعا دەيىن جالعاسادى.