وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, اتىراۋ قالاسىنداعى ەمحانالاردا اتالعان ۆاكتسينانىڭ قورى تاۋسىلعان, دەپ حابارلايدى Egemen.kz.
كوروناۆيرۋس ينفەكتسياسىنا قارسى وزگە ۆاكتسينالار قاندەي ەمحانالاردا بار ەكەندىگى ايتىلدى.
«اتىراۋ قالاسى مەن وعان ىرگەلەس اۋىلدىق وكرۋگتەردىڭ ەمحانالارىندا «سپۋتنيك V» ۆاكتسيناسى بار. ال, «CoronaVac» ۆاكتسيناسى قالاداعى №1, №2, №3, №5, №7, سونداي-اق گەولوگ, دامبى, ەركىنقالا اۋىلدىق ەمحانالارى مەن «مەديكەر» كومپانياسىندا جەتكىلىكتى. سونداي-اق №1, №2, №4 جانە گەولوگ ەمحاناسى مەن «مەديكەر» كومپانياسىندا «QazVac» ۆاكتسيناسىن سالدىرۋعا بولادى. بارلىق ەمحانالاردا «Hayat-Vax» ۆاكتسيناسىنىڭ قورى تاۋسىلدى. اتىراۋعا بۇل ۆاكتسينا قاشان جەتكىزىلەتىنى ازىرگە بەلگىسىز», دەپ حابارلادى باسقارمانىڭ ءباسپاسوز قىزمەتى.