شاحماتشىلارىمىز جارىستى جەڭىسپەن باستادى

جۇلدە قورى 2 568 750 اقش دوللارىن (ەرلەر – 1 892 500, ايەلدەر – 676 250) قۇراعان ءدۇبىرلى دودانىڭ العاشقى اينالىمىندا رينات جۇماباەۆ سيريالىق باشير ەيتيدى ەكى پارتيادا دا ۇتتى. ەندى ول 1/64 فينالدا رەسەيلىك الەكساندر موتىلەۆپەن كۇش سىناسادى. ءبيبىسارا اسۋباەۆا كۋبالىق يەريسبەل ميراندا ليانەسپەن شەبەرلىك بايقاستى. اسا شيەلەنىستى وتكەن باسەكەدە قازاق قىزى 1,5:0,5 ەسەبىمەن باسىم ءتۇستى. كەلەسى كەزەڭدە ءبيبىسارا ءوزىنىڭ وتانداسى جانسايا ابدىمالىكپەن سايىسقا تۇسەدى. 

ءبىر وكىنشىتىسى, الەم كۋبوگى «نوكاۋت جۇيەسى» بويىنشا وتەتىندىكتەن وسى مەجەدە جەڭگەنى جارىستى جالعاستىرادى دا, جەڭىلگەنى كورەرمەندەر قاتارىنا قوسىلادى. سول سەكىلدى دينارا سادۋاقاسوۆا دا ءتۋرنيردى 1/32 فينالدان باستايدى. ول پولشالىق كلاۋديا كۋلەن مەن امەريكالىق دجەننيفەر يۋ اراسىنداعى كەزدەسۋدىڭ جەڭىمپازىمەن جولىعادى.  

ەستەرىڭىزگە سالا كەتەيىك, قارا تەڭىز جاعالاۋىندا ءوتىپ جاتقان جارىستا 309 (ەرلەر – 206, ايەلدەر – 103) ويىنشى باق سىناۋدا. قاتىسۋشىلاردىڭ قاتارىندا الەم چەمپيونى ماگنۋس كارلسەن, فابيانو كارۋانا, لەۆون ارونيان, شاحريار مامەدياروۆ, الەكساندر گريششۋك, ەكاتەرينا لاگنو, ماريا مەن اننا مۋزىچۋك جانە تاعى باسقا ايگىلى شاحماتشىلار بار.