اتىراۋدا پوليتسيا قىزمەتكەرلەرى جىلقى ءمۇسىنىن بۇلدىرگەن ورال قالاسىنىڭ تۇرعىنىن ۇستادى, دەپ حابارلايدى Egemen.kz.
«كەشكى ساعات 19:50 شاماسىندا 43 جاستاعى ازامات ماس كۇيدە ساتپاەۆ كوشەسىندەگى جىلقى ءمۇسىنىن قۇلاتىپ تاستاعان. مەديتسينالىق ساراپتامانىڭ قورىتىندىسىنا سايكەس, ونىڭ ورتا دارەجەدەگى ماس كۇيدە ەكەنى انىقتالدى.
اتالعان ازاماتقا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 434-بابىنىڭ 1-بولىمىمەن (ۇساق بۇزاقىلىق), 440-بابىنىڭ 3-بولىمىمەن (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ, وسى باپتىڭ ءبىرىنشى جانە ەكىنشى بولىكتەرىندە كوزدەلگەن, اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاساعان ارەكەتتەر) اكىمشىلىك حاتتامالار تولتىرىلدى», دەپ حابارلادى دەپارتامەنتتىڭ ءباسپاسوز قىزمەتى.
سوت شەشىمىمەن 43 جاستاعى ازامات 5 تاۋلىككە اكىمشىلىك قاماۋعا الىندى.