5 شىلدەدە ۇقك اتىراۋ وبلىسى بويىنشا دەپارتامەنتى پروكۋراتۋرامەن جانە وبلىستىق پوليتسيا دەپارتامەنتىمەن بىرلەسىپ, سپورتتىق ورتا وكىلدەرى مەن دەسترۋكتيۆتى ءدىني اعىمداردى ۇستانۋشىلاردان تۇراتىن ۇيىمداسقان قىلمىستىق توپتىڭ زاڭعا قايشى ارەكەتىنىڭ جولىن كەستى, دەپ حابارلايدى Egemen.kz قر ۇقك ءباسپاسوز قىزمەتىنە سىلتەمە جاساپ.
توپقا قاتىسۋشىلار ۇزاق ۋاقىت بويى تاكسي جۇرگىزۋشىلەرىنەن («اتىراۋ-ورال-اتىراۋ») اقشا بوپسالاپ كەلگەن.
ۇقت-نىڭ 4 بەلسەندى قاتىسۋشىسى ۇستالدى. فيگۋرانتتاردىڭ جانە ولاردىڭ جاقىندارىنىڭ تۇرعىلىقتى جەرلەرىنەن 3 بىرلىك ءار ءتۇرلى قارۋ مەن وق-دارىلەر, سونداي-اق ولاردىڭ قىلمىستىق ارەكەتتەرىن راستايتىن قۇجاتتىق ماتەريالدار (چەكتەر, جۋرنالدار, بانك كارتوچكالارى) تابىلدى.