ۇكىمەتتە ءورت قاۋىپسىزدىگى سالاسىنداعى مەملەكەتتىك قاداعالاۋدى ەنگىزۋ جانە جەكە كۇزەت كومپانيالارىنىڭ تەرروريستىك قاۋىپ تۋىنداعان كەزدە وبەكتىلەردى قورعاۋعا دايىندىعى تۋرالى ماسەلەلەر تالقىلاندى, دەپ حابارلايدى Egemen.kz primeminister.kz سىلتەمە جاساپ.
پرەمەر-ءمينيستردىڭ ءبىرىنشى ورىنباسارى ءاليحان سمايىلوۆتىڭ توراعالىعىمەن كاسىپكەرلىك قىزمەتتى رەتتەۋ جونىندەگى ۆەدومستۆوارالىق كوميسسيانىڭ وتىرىسى ءوتتى, وندا ءورت قاۋىپسىزدىگى سالاسىندا جەدەل ارەكەت ەتۋ شارالارىن قولدانا وتىرىپ, مەملەكەتتىك قاداعالاۋدى ەنگىزۋ ماسەلەلەرى تالقىلاندى.
ۇسىنىلىپ وتىرعان ەرەجەنىڭ ماقساتى – ادام ءومىرى مەن دەنساۋلىعىنا ايقىن قاۋىپ تونگەن كەزدە وبەكتىدە ۋچاسكەنىڭ جۇمىسىن توقتاتا تۇرۋ بويىنشا جەدەل ارەكەتكە كوشۋ. ءورت قاۋىپسىزدىگى سالاسىندا مەملەكەتتىك قاداعالاۋدى ەنگىزۋ جەدەل شارالار قابىلداۋعا مۇمكىندىك بەرمەك. سونىمەن قاتار ول ءورتتىڭ الدىن-الۋدىڭ جانە ادامداردىڭ ءومىرىن قورعاۋدىڭ ءتيىمدى قۇرالى بولماق. كەزدەسۋدە سونىمەن قاتار جەكە كۇزەت ۇيىمدارىنىڭ قاۋىپسىزدىك قىزمەتتەرىن ۇسىنۋ كەزىندە تەرروريزمگە وسال نىساندارداعى (تون) قاۋىپسىزدىك دەڭگەيىن ارتتىرۋ ماسەلەلەرى تالقىلاندى.
ۇسىنىلعان شەشىمدەر كۇزەت قىزمەتتەرىن ۇسىنۋدا كەم دەگەندە ءبىر جىلدىق تاجىريبەنى تالاپ ەتەدى. سونداي-اق ۇيىمدار تاراپىنان ءتيىستى دەڭگەي مەن قىلمىستاردىڭ ۋاقىتىلى جولىن كەسۋ ءۇشىن كەڭسە عيماراتىندا ورنالاسقان ورتالىقتاندىرىلعان كۇزەت پۋنكتىنىڭ بولۋى جانە ورتالىقتاندىرىلعان باقىلاۋ پۋلتىمەن قامتاماسىز ەتىلۋى كەرەك. پرەمەر-ءمينيستردىڭ ورىنباسارى ۆەدومستۆوارالىق كوميسسيادا تالقىلانعان باسقا ماسەلەلەر بويىنشا بىرقاتار تاپسىرما بەردى.