اتىراۋ وبلىسىندا بىلتىرعى ناۋرىزدان بەرى 1 ملن 292 مىڭ پتر-تەست وتكىزىلگەن, دەپ جازادى Egemen.kz.
وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆتىڭ ايتۋىنشا, اتىراۋدا كوروناۆيرۋس ينفەكتسياسىنا قارسى زەرتتەۋ جۇرگىزىلەتىن 14 پتر-زەرتحانا جۇمىس ىستەيدى.
«قازىر وبلىستاعى پتر-زەرتحانالاردا تاۋلىگىنە 14 مىڭنان استام زەرتتەۋ جۇرگىزىلەدى. ەلىمىزدە كوروناۆيرۋس ينفەكتسياسى تىركەلگەننەن بىلتىرعى ناۋرىزدان بەرى وڭىردە جۇرگىزىلگەن پتر-تەست سانى 1 ملن 292 مىڭدى قۇرادى. اتىراۋ وبلىسى ەلىمىزدە وتكىزىلگەن تەست سانى بويىنشا الدىڭعى ورىندا تۇر» دەدى اسحان بايدۋاليەۆ.