سەمەيدە جول اپاتىنان ءبىر ادام قازا تاپتى

«فولكسۆاگەن پاسسات» اۆتوكولىگىنىڭ 48 جاستاعى جۇرگىزۋشىسى اۆتوماشينا سالونىندا بولعان جولاۋشىمەن بىرگە قابانباي باتىر كوشەسى جاعىنان قارجاۋباي ۇلى كوشەسى بويىمەن, قارجاۋباي ۇلى-قابىلباەۆ كوشەلەرىنىڭ قيىلىسىندا مانەۆردىڭ قاۋىپسىزدىگىنە تولىق  كوز جەتكىزبەي, بۇرىلۋ كەزىندە قارجاۋباي ۇلى كوشەسى مەن قابانباي باتىر كوشەسى باعىتىندا كەلە جاتقان «گاز – 53» ماركالى اۆتوكولىكپەن سوقتىعىسۋعا جول بەرگەن.

«جول-كولىك وقيعاسى 12 شىلدەدە ساعات 18:00 شاماسىندا بولدى. جول اپاتى سالدارىنان 48 جاستاعى جولاۋشى وقيعا ورنىندا كوز جۇمدى.

اتالعان فاكتى بويىنشا قر قك 345 – بابى 3-بولىگى بويىنشا-كولىك قۇرالدارىن باسقاراتىن ادامداردىڭ ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋى بويىنشا سوتقا دەيىنگى تەرگەۋ باستالدى», دەپ حابارلادى شقو پد ءباسپاسوز قىزمەتى.

قازىرگى ۋاقىتتا سوتقا دەيىنگى تەرگەۋ جۇرگىزىلۋدە, بىرقاتار سوت ساراپتامالارى تاعايىندالدى, ولاردىڭ ناتيجەلەرى بويىنشا نەگىزگى پروتسەسۋالدىق شەشىم قابىلدانادى. 

قىلمىستىق ءىس جۇرگىزۋ كودەكسىنىڭ 201-بابىنىڭ 1-بولىگىنە سايكەس سوتقا دەيىنگى تەرگەپ-تەكسەرۋدىڭ وزگە دە دەرەكتەرى جاريا ەتۋگە جاتپايدى.