قازاقستاندا العاشقى كالتسيلەندىرىلگەن سودا وندىرەتىن زاۋىت جامبىل وبلىسىنىڭ سارىسۋ اۋدانىندا سالىنادى. جوبا Yildirim Holding تۇرىك كومپانياسىنىڭ ەنشىلەس كاسىپورنى Qazaq Soda جشس-نە تيەسىلى. جوبانى ىسكە اسىرۋ 2021 جىلدىڭ 3-توقسانىنا جوسپارلانعان, دەپ حابارلايدى Egemen.kz.
ءبىرىنشى كەزەڭدە زاۋىتقا سالىناتىن ينۆەستيتسيا كولەمى 400 ملن دوللاردى قۇرايدى. كاسىپورىننىڭ قۋاتتىلىعى جىلىنا 1 ملن تونناعا دەيىن ءونىمدى قۇرايدى. قۋاتى 500 مىڭ توننا بولاتىن ءبىرىنشى كەزەڭدى 2024 جىلى اياقتاۋ جوسپارلانىپ وتىر. قۇرىلىس كەزىندە نەگىزىنەن جەرگىلىكتى تۇرعىندار اراسىنان 1000-عا جۋىق مامان تارتۋ جوسپارلانۋدا. كاسىپورىن پايدالانۋعا بەرىلگەننەن كەيىن 300 جاڭا جۇمىس ورنى جانە 1000 جاناما جۇمىس ورنى قۇرىلادى.
وسى جوبانى ىسكە اسىرعاننان كەيىن قازاقستان الەمدەگى جەتەكشى سودا ءوندىرۋشى – قىتاي, تۇركيا, اقش جانە رەسەيمەن ءبىر ساتىعا كوتەرىلەدى. كاسىپورىن قازاقستانعا كالتسيلەندىرىلگەن سودا يمپورتىنان كەتۋگە مۇمكىندىك بەرەدى, سونداي-اق ەلدىڭ ىشكى قاجەتتىلىكتەرىن تولىق جابادى جانە بولاشاقتا ەكسپورتقا جەتكىزۋدى باستايدى دەپ كۇتىلۋدە.