ەلىمىزدە قۇرىلىس نىسانىنىڭ ساپاسىنا تەحنيكالىق باقىلاۋ جۇرگىزۋ ەلەكتروندى فورماتقا كوشىرىلدى, دەپ حابارلايدى Egemen.kz.
«كوپشىلىكتى جاڭا تۇرعىن ءۇيدىڭ ساپاسى قىزىقتىراتىنى بارشاعا بەلگىلى. وسى ورايدا مەملەكەت باسشىسى تۇرعىن ءۇي ساپاسىنا اسا ءمان بەرىپ, ءتيىستى شارا قابىلداۋدى تاپسىردى. قازىرگى ۋاقىتتا ءبىزدىڭ مينيسترلىك قۇرىلىس سالاسىن تسيفرلاندىرۋ بويىنشا بەلسەندى جۇمىس جۇرگىزىپ جاتىر. سونىڭ ءبىرى بۇگىندە «ە-قۇرىلىس» اتتى اقپاراتتىق جۇيەسى ازىرلەندى. اتالعان جۇيەدە بارلىق قۇجاتتاما ەلەكتروندى تۇردە جۇزەگە اسىرىلادى. قازىر بارلىق تەحنيكالىق باقىلاۋ قۇرىلىستىق رەەستر, ەسەپ تاعى سول سياقتى اتالعان جۇيە ارقىلى ەلەكتروندى فورماتقا كوشىرىلدى», دەدى قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ وكق-دە وتكەن ءباسپاسوز ءماسليحاتىندا.
ۆيتسە-مينيستر كەلەسى جىلدان باستاپ مەملەكەتتىك نىساندارداعى قۇرىلىس قىزمەتى تولىقتاي اۆتوماتتاندىرىلاتىنىن تىلگە تيەك ەتتى.
سونىمەن قاتار, وتكىزىلگەن ءباسپاسوز ءماسليحاتى بارىسىندا قازاقستانداعى تۇرعىن ءۇي باعاسىنىڭ ارزانداۋىنا قاتىستى بىرقاتار بولجام جاسالدى.