بۇعان دەيىن ەنگىزىلگەن كارانتين شارالارىنىڭ قولدانىلۋ مەرزىمى 11 شىلدەدە اياقتالدى, بىراق رەسپۋبليكا بيلىگى ولاردى جىل سوڭىنا دەيىن ۇزارتتۋ تۋرالى قايتا شەشىم قابىلدادى, دەپ حابارلايدى Egemen.kz.
ارمەنيا شەكاراسىنان ءوتۋ ءۇشىن سوڭعى 72 ساعات ىشىندە جاسالعان پتر-انىقتامانى ۇسىنۋ جەتكىلىكتى. سونداي-اق «سپۋتنيك V» نەمەسە باسقا دا تانىمال پرەپاراتتارمەن يممۋنداۋدىڭ تولىق (ەكى دوزاسى) سەرتيفيكاتى بولسا, ەلگە كىرۋگە بولادى. ۆاكتسينانىڭ ەكىنشى دوزاسىن ساپاردان كەمىندە ەكى اپتا بۇرىن سالدىرۋ كەرەك. ەگەر بۇل شارتتار ورىندالماسا, تۋريست 14 كۇن وقشاۋلانۋعا نەمەسە ءوز ەسەبىنەن شەكارادا پتر-تەستىن تاپسىرۋعا مىندەتتى.
ءبىر جاسقا دەيىنگى بالالارعا بۇل تالاپتار قويىلمايدى.
ارمەنيانىڭ وزىندە ارنايى انتيۆيرۋستىق شەكتەۋلەر جوق. بارلىق جەردەگى سياقتى, جابىق بولمەلەردە الەۋمەتتىك قاشىقتىق پەن ماسكا رەجيمىن ساقتاۋ قاجەت. تولىق ۆاكتسينا سالدىرعان ادامدارعا ماسكاسىز جۇرۋگە رۇقسات ەتىلەدى. قوعامدىق تاماقتانۋ ورىندارىنىڭ, ساۋدا ورتالىقتارىنىڭ جانە قوعامدىق كولىكتەردىڭ جۇمىسىنا تىيىم سالىنبادى.