قازاقستاندىق فايتەر جالعاس جۇماعۇلوۆ (13-5) UFC-دەگى العاشقى جەڭىسىنە قول جەتكىزدى, دەپ حابارلايدى Egemen.kz Sports.kz سايتىنا سىلتەمە جاساپ.
ول لاس-ۆەگاستا (نەۆادا شتاتى, اقش) وتكەن UFC 264 تۋرنيرىندە امەريكالىق دجەروم ريۆەرامەن (10-5) ايقاستى. ەڭ جەڭىل سالماقتاعى جەكپە-جەك ءۇش راۋندقا جوسپارلانعان ەدى, الايدا جۇماعۇلوۆ ءبىرىنشى راۋندتا قارسىلاسىن تىزە بۇكتىردى.
وسىلايشا, جالعاس جۇماعۇلوۆ ءۇشىن بۇل جەڭىس كاسىبي مانسابىنداعى ون ءتورتىنشى جانە UFC-دەگى ءبىرىنشى جەڭىسى بولىپ وتىر. پروموۋشندەگى الدىڭعى ەكى ويىندا تورەشىلەردىڭ ءبىراۋىز شەشىمىمەن برازيليالىق راۋليان پايۆادان (20-3) جانە شۆەد امير البازيدەن (14-1) جەڭىلىپ قالدى.