نزم تۇلەكتەرى مەكتەپ تاريحىنداعى ەڭ جوعارى كورسەتكىشتى كورسەتتى

زياتكەرلىك مەكتەپ تۇلەكتەرى حالىقارالىق باكالاۆريات ەمتيحاندارىن ءساتتى تاپسىرىپ, مەكتەپ تاريحىنداعى ەڭ جوعارى كورسەتكىشتى كورسەتتى: ديپلومنىڭ ورتاشا بالى 34 باللدى قۇرادى. سونداي-اق, 1 وقۋشى 45-تەن 44 بالل جينادى, ونى الەمدە بارلىق تۇلەكتەردىڭ تەك 1%-ى الادى. مەكتەپتىڭ 20 تۇلەگى 40 بالدان جوعارى جينادى: 44 بالل - 1; 43 بالل - 1; 42 بالل - 2; 41 بالل - 7; 40 بالل – 9 وقۋشى.

حالىقارالىق ءبىلىم سىناعىندا توپ جارعان تۇلەكتەرىمىز ديپلومدىق باعدارلاما ەمتيحاندارى, مەكتەپ تۋرالى ويلارىمەن ءبولىستى.

ناتيجەلەر جاريالانعان كەزدە مەن اتا-اناممەن بىرگە مەيرامحانادا بولدىم. مەنىڭ ەموتسيونالدى رەاكتسيام كوپتەگەن ادامداردىڭ نازارىن اۋداردى. ەمتيحان ناتيجەسىن كورگەندە كوزىمە جاس كەلىپ, قۋانىشىمدا شەك بولمادى. جالپى, مەكتەپتىڭ ءار وقۋشىسى جوعارى ۇپاي جيناۋعا تىرىسادى, ويتكەنى بۇل ديپلومدىق باعدارلامادا وقۋدىڭ ەكى قيىن جىلىندا جاسالعان بارلىق جۇمىستاردىڭ باعاسى. مەن جوعارى ناتيجەگە قول جەتكىزۋگە تىرىستىم جانە العان ۇپايىما وتە ريزامىن. مەنىڭ بارلىق كۇماندارىم مەن ۋايىمدارىم جويىلىپ, ءدال وسى ءبىر ساتتە ءوزىمدى باقىتتى سەزىندىم, - دەپ قۋانىشىن جاسىرمادى 44 باللدىڭ يەسى انەل جۋسۋبالي.

ەمتيحاندا 43 بالل جيناعان ەلدار ۋركۋمباەۆ دايىندىقتى ديپلومدىق باعدارلامانىڭ العاشقى جىلىنان-اق باستاۋ كەرەكتىگىن العا تارتادى.

«ديپلومدىق باعدارلامانىڭ ەكى جىلىندا مەن ساباقتاردى سەبەپسىز قالدىرماي, جۇيەلى تۇردە دايىندالدىم. ۇستازدارىمىز ەمتيحاندا قاجەت بولاتىن وراسان زور ءبىلىم نارىمەن سۋسىنداتتى. بار زەيىنىم مەن ىنتامدى سالىپ وقۋ ارقىلى ءوزىمنىڭ, اتا-انامنىڭ, ۇستازدارىمنىڭ ماعان ارتقان ءۇمىتىن اقتاي الدىم دەپ ويلايمىن. نازارباەۆ زياتكەرلىك مەكتەبىندە وقىعان جىلدار ىشىندە ءوزارا قارىم-قاتىناس قۇرا ءبىلۋدىڭ ماڭىزدىلىعىن ءتۇسىندىم. ورتامەن تەز ءتىل تابىسۋ داعدىسى ومىرىمدە كوپ كومەكتەستى», دەيدى ەلدار.

ەلوردالىق NIS ديرەكتورى سابىرجان سادۋاقاسوۆتىڭ ايتۋىنشا, حالىقارالىق باكالاۆرياتتىڭ ءبىلىم بەرۋ باعدارلاماسى ءبىزدىڭ تۇلەكتەرگە حالىقارالىق دەڭگەيدە باسەكەگە قابىلەتتى بولۋعا جانە الەمنىڭ ەڭ جاقسى ۋنيۆەرسيتەتتەرىندە وقۋعا مۇمكىندىك بەرەدى.

قازىرگى كارانتيندىك جاعدايعا جانە پاندەميا جاعدايىندا وقىتۋدىڭ جاڭا فورماتىنا قاراماستان, NIS ءىۆ كومانداسى جوعارى ناتيجە كورسەتتى. مەكتەپ ايماقتاعى ەڭ جوعارى بالل جيناعان تۇلەكتەردىڭ ەڭ كوپ سانى قاتىسقان العاشقى تەگىن وقۋ ورنى اتاندى. ءبىزدىڭ قوعامداستىقتىڭ بارلىق مۇعالىمدەرىنىڭ, ۇيلەستىرۋشىلەرىنىڭ, ەمتيحان الۋشىلارىنىڭ جانە اتا-انالارىنىڭ ارقاسىندا, ولاردىڭ قۇشتارلىعى مەن ادالدىعى ءبىلىم بەرۋ ارقىلى جاقسى الەم قۇرۋ جونىندەگى ميسسيامىزدى ورىنداۋعا مۇمكىندىك بەرەدى.

«مەن مەكتەبىمىزدىڭ تۇلەكتەرىن جەتىستىكتەرىمەن شىن جۇرەكتەن قۇتتىقتايمىن. ولار بىلىمگە دەگەن قۇشتارلىعىن, تابىسقا جەتۋگە دەگەن شەشىمىن جانە جوعارى ساپالى دايىندىقپەن قامتاماسىز ەتىلگەن كەلەسى قادامدى الاتىندىقتارىنا سەنىمدىلىكتەرىن كورسەتتى»,  دەپ سابىرجان سادۋاقاسوۆ ءوز اسەرىمەن ءبولىستى.

حالىقارالىق باكالاۆريات ەمتيحانىنىڭ ناتيجەسى بويىنشا 42 بالل جيناعان اليا سامباەۆا مەن ديلناز ۋتەميسوۆا ءوز ۇپايلارىن بىلگەندە قۋانىشتارىندا شەك بولماعانىن ايتادى. اليانىڭ پىكىرىنشە, NIS وقۋشىسى ءۇش نەگىزگى قاسيەتكە: زەيىندى, جاۋاپكەرشىل, ويلامپاز قاسيەتتەرىنە يە بولۋى كەرەك. ال ديلناز زياتكەرلىك مەكتەپتەن ەڭ قۇندى ساباق الا بىلگەنىن ايتادى. ول – ۋاقىت, ورىن جانە جاعدايعا قاراماستان, وزىڭە دەگەن سەنىمدىلىكتىڭ بولۋى.

ايتا كەتۋ كەرەك, 2021 جىلدىڭ 6 شىلدەسىندە حالىقارالىق باكالاۆرياتتىڭ ديپلومدىق باعدارلاماسى (DP) بويىنشا 12-سىنىپ وقۋشىلارىنىڭ ەمتيحاندارىنىڭ ناتيجەلەرى جاريالاندى. ناتيجەسىندە 153 تۇلەك حالىقارالىق باكالاۆريات ديپلومىن الدى. حب ديپلومدىق باعدارلاماسىنىڭ ديپلومى تۇلەكتەرگە مىندەتتى دايىندىق جىلىن - Foundation-دى اينالىپ ءوتىپ, بىردەن 1 كۋرسقا وقۋعا تۇسۋگە مۇمكىندىك بەرەدى.