وتاندىق ۆاكتسينا جاساۋشىلار QazVac ۆاكتسيناسىن سىناۋدىڭ ءۇشىنشى كەزەڭى شىلدەنىڭ ورتاسىندا اياقتاماق. دەنساۋلىق ساقتاۋ مينيسترلىگى وسى ءۇشىنشى كەزەڭنىڭ قورىتىندىسى قاشان جاريالاناتىنى تۋرالى تۇسىنىكتەمە بەردى, دەپ حابارلايدى Egemen.kz.
«شىلدە ايىندا سىناقتاردىڭ ءۇشىنشى كەزەڭىنىڭ التى ايلىق مەرزىم اياقتالادى. بۇل مەرزىم شىلدە ايىنىڭ ورتاسىندا بولادى. تيىسىنشە وسىدان كەيىن كلينيكالىق سىناقتاردىڭ ءۇشىنشى فازاسى بويىنشا ءتيىستى ەسەپتەر رەسىمدەلىپ, دارىلىك زاتتاردى ساراپتاۋ ورتالىعىنا بەرىلەدى. سوڭعى قورىتىندىنىڭ قاشان شىعاتىنى ەكپەنى ازىرلەۋشىلەردىڭ دارىلىك زاتتاردى ساراپتاۋ ۇلتتىق ورتالىعىنا ەگجەي-تەگجەي ەسەپتى قاشان تولىق وتكىزەتىنىنە بايلانىستى», دەدى ۆيتسە-مينيستر مارات شورانوۆ.