قۇقىق قورعاۋ ورگاندارى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ءىسى بويىنشا باپتى قايتا سارالادى. بۇل تۋرالى ادۆوكات دميتري كۋرياچەنكو باق وكىلدەرىنە ءمالىم ەتتى, دەپ حابارلايدى Egemen.kz.
«تەرگەۋ اياقتالدى. سوڭعى 5 كۇن قالعاندا, كۇدىك «ۇرلىقتان» «وكىلەتتىگىن اسىرا پايدالانۋعا» اۋىستىرىلدى. تەرگەۋ 2020 جىلعى مامىردا, 14 اي بۇرىن باستالدى. دەنساۋلىق ساقتاۋ مينيسترلىگىنىڭ باسشىلىعى ۇرلىق جاسادى دەگەن كۇدىككە ءىلىندى, ناتيجەسىندە ولاي بولماي شىقتى. مۇنى قارجى مونيتورينگى اگەنتتىگى مويىندادى», دەدى ءبىرتانوۆتىڭ قورعاۋشىسى.
ونىڭ ايتۋىنشا, ەلجان ءبىرتانوۆ كىناسىن مويىندامايدى.
سونىمەن قاتار ادۆوكات 2020 جىلدىڭ قاراشاسىنان باستاپ ءبىرتانوۆتى ۇيقاماققا الۋ زاڭسىز بولعانىن, «تەرگەۋ بۇزىلىپ, ءىس وبەكتيۆتى جۇرگىزىلمەگەنىن» ايتتى.
بۇعان دەيىن قارجى مونيتورينگى اگەنتتىگى بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ۆيتسە-مينيستر ولجاس ابىشەۆكە قاتىستى سوتالدى تەرگەۋ اياقتالعانىن حابارلاعان بولاتىن.