اقمولا وبلىسىنا كەلەتىن تۋريستەردى Ashyq جۇيەسى بويىنشا تەكسەرەتىن بولادى

تۋريستىك وبەكتىلەردىڭ اۋماعىندا كۆي-ءدىڭ تارالۋىنا جول بەرمەۋ ءۇشىن قوناقتاردى تۋريستىك ايماقتارعا Ashyq جۇيەسى بويىنشا وتكىزۋ رەجيمى بەلگىلەنەدى.

«قاۋلىعا تۋريستىك نىساندار بويىنشا قاتاڭداتۋ شارالارىن قولدانۋ جونىندە بىرقاتار وزگەرىستەر ەنگىزىلەتىن بولادى. سانيتارلىق بەكەتتەر ورناتىلىپ, تەرمومەتريا مەن ساۋالناما جۇرگىزۋ رەجيمى ورناتىلادى. سونداي-اق, «قىزىل» جانە «سارى» مارتەبەسى بار ادامدار تۋريستىك ايماقتاردىڭ اۋماعىنا كىرمەۋى ءۇشىن Ashyq باعدارلاماسى بويىنشا ءاربىر كىرۋشىنىڭ مارتەبەسىن تەكسەرۋ جوسپارلانۋدا», دەپ حابارلادى بريفينگتە وبلىستىڭ باس مەملەكەتتىك سانيتارلىق دارىگەرى ايناگۇل مۋسينا.

ونىڭ ايتۋىنشا, بۇگىنگى تاڭدا Ashyq جۇيەسى بويىنشا وبلىستا 589 نىسان جۇمىس ىستەيدى. جۇيەگە قوسىلۋعا 680 نىسان ءوتىنىم بەردى. QR-كودتار بويىنشا ادامدار ەڭ كوپ باراتىن 16 ۇيىم بەلگىلەندى. ال QR-كود بويىنشا كەلۋشىلەردىڭ نولدىك سانى بار 20 قاتىسۋشى Ashyq جوباسىنان ەكى اپتاعا شىعارىلدى. ولار كەلۋشىلەردى ءۇش كۇننەن ارتىق تەكسەرمەگەن.

Ashyq كومەگىمەن وڭىردە «قىزىل» مارتەبەسى بار 51 ادام, «سارى» مارتەبەسى بار 89 ادام انىقتالدى. «قىزىل» مارتەبەسى بار بەس بۇزۋشىعا 87 510 تەڭگە كولەمىندە ايىپپۇل سالىندى.