رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى ىلە- الاتاۋىندا جوعالىپ كەتكەن قىزدى ىزدەپ جاتىر, دەپ حابارلايدى Egemen.kz.
رەسپۋبليكالىق جەدەل-قۇتقارۋ جاساعىنا جوعالعان قىز تۋرالى اقپارات 7 شىلدە كۇنى ءتۇستى. اناسىنىڭ ايتۋىنشا, ول تاۋعا 5 شىلدەدە كەتكەن. كۋاگەرلەر ونى سوڭعى رەت ۇلكەن الماتى كولىنىڭ ماڭىندا كورگەن. قىزدىڭ تەلەفونى ۇيدە قالعان.
«بۇگىن رەسپۋبليكالىق جەدەل-قۇتقارۋ جاساعىنىڭ 5 ادامنان تۇراتىن جەكە قۇرامى ىزدەۋ-قۇتقارۋ جۇمىسىن باستاپ كەتتى. قۇتقارۋشىلار ەكى توپقا ءبولىندى. بىرەۋى - الماتى-الاگير اسۋىنا قاراي, ەكىنشى توپ سوۆەتتەر شىڭى جاققا قاراي بەت الدى. سونىمەن قاتار, ولار گيدرولوگيا ستانساسىنىڭ جوعارى جاعىنداعى ورماندى دا قاراپ شىعادى», دەپ حابارلادى رەسپۋبليكالىق جەدەل-قۇتقارۋ جاساعىنىڭ ءباسپاسوز قىزمەتى.