6 شىلدە – ەلوردا كۇنىنە وراي ءۇرجار اۋدانىندا بالاباقشا مەن سپورتتىق نىساندار اشىلدى, دەپ حابارلايدى Egemen.kz.
«اۋىل – ەل بەسىگى» باعدارلاماسى اياسىندا ماقانشى اۋىلىندا جاستاردىڭ سپورتپەن شۇعىلدانۋىنا ارنالعان سپورت ءمودۋلى بوي كوتەردى. سونداي-اق, ءۇرجار اۋىلىندا زاماناۋي ۇلگىدە سالىنعان, اۋىل تۇرعىندارىنىڭ بۇقارالىق سپورتپەن شۇعىلدانۋىنا ارنالعان ءجۇزۋ باسسەينى اشىلدى. باسسەين اۋىل تۇرعىندارى مەن جاستارى ءۇشىن سپورتپەن شۇعىلدانۋعا تاپتىرماس ورىن.
بۇدان بولەك, ەلوردا كۇنىنە وراي ماقانشى اۋىلىندا سالتاناتتى تۇردە 128 ورىندىق بالاباقشا اشىلدى. نىسانعا قايتا جاڭعىرتۋ جۇمىستارى جۇرگىزىلىپ, زاماناۋي تالاپتارعا ساي جاسالدى.
سونىمەن قاتار, ءۇرجار اۋدانىنىڭ ءبىلىم مەكەمەلەرىنە شاعىن اۋىلداردان بالالاردى تاسىمالداۋ ءۇشىن 4 اۆتوبۋس تابىستالدى.