اتىراۋ تۇرعىنى پوليتسەيمەن توبەلەستى

اتىراۋ وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتى بويىنشا, 3 شىلدەدە ساعات 19.52 شاماسىندا قۇقىق قورعاۋ ورگاندارىنا 1984 جىلعى اتىراۋ قالاسىنىڭ تۇرعىنى حابارلاسقان. ول قالا دۇكەندەرىنىڭ بىرىندە ماس بەيتانىس اداممەن اراسىندا كەلىسپەۋشىلىك تۋعانىن حابارلاعان. 1985 جىلى تۋعان ەر ادام اكىمشىلىك حاتتاما تولتىرۋ كەزىندە پوليتسيا قىزمەتكەرىنە قارسىلىق كورسەتكەن.

وعان قاتىستى قر اقبتك-ءنىڭ 440 بابى 3 بولىگى «الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ» بويىنشا اكىمشىلىك حاتتاما تولتىرىلىپ, 14 585 تەڭگە كولەمىندە ايىپپۇل سالىنعان.

ودان بولەك, قر اقبتك-ءنىڭ 434 بابى 1 بولىگى «ۇساق بۇزاقىلىق» جانە قر اقبتك-ءنىڭ 667 بابى 1 بولىگى «قۇقىق قورعاۋ ورگانى نەمەسە ارناۋلى مەملەكەتتىك ورگان, اسكەري پوليتسيا ورگانى قىزمەتكەرىنىڭ (اسكەري قىزمەتشىسىنىڭ), سوت پريستاۆىنىڭ, سوت ورىنداۋشىسىنىڭ زاڭدى وكىمىنە نەمەسە تالابىنا باعىنباۋ» بويىنشا اكىمشىلىك حاتتاما تولتىرىلىپ, سوت شەشىمىمەن 36 جاستاعى ازاماتقا 14 585 تەڭگە كولەمىندە ايىپپۇل سالىنىپ, 10 تاۋلىككە اكىمشىلىك قاماۋعا الىنعان.