ۇلتتىق بىرىڭعاي تەستىلەۋگە ناقتى 145 288 تالاپكەر قاتىستى, دەپ حابارلايدى Egemen.kz.
«ۇلتتىق بىرىڭعاي تەستىلەۋگە ناقتى 145 288 تالاپكەر قاتىستى. ونىڭ ىشىندە 75,5 پايىزى قازاق تىلىندە, 24,3 پايىزى ورىس تىلىندە جانە 350 ادام, ياعني 0,2 پايىزى اعىلشىن تىلىندە تاپسىردى. بيىل ۇبت-نىڭ ورتاشا بالى 69,08 بالل بولدى. وتكەن جىلمەن سالىستىرعاندا ورتاشا بالل 5 بالعا ارتتى. ال شەكتى بالدى 65 پايىزى جينادى جانە 39,4 پايىزى شەكتى بالدان وتە المادى», دەدى ۆيتسە-مينيستر مينيسترلىكتىڭ اپپارات جينالىسىندا.
ونىڭ ايتۋىنشا, ورتاشا بالدىڭ وسۋىنە وقۋعا تۇسۋشىلەردىڭ ۇبت تاپسىرۋعا 2 مۇمكىندىگىنىڭ بولۋى اسەر ەتكەن.
«وسىلايشا ولار ءوز ناتيجەلەرىن جاقسارتۋ ءۇشىن دايىندالۋعا مۇمكىندىك الدى. سونىمەن قاتار ەلەكتروندى فورماتتى ەنگىزۋ ارقىلى تالاپكەرلەردىڭ جاۋاپتارىن تۇزەتۋگە, تەست تاپسىرمالارىن شەشۋگە ۋاقىت جەتكىلىكتى بولدى. 1 923 ءتۇسۋشى 120 باللدان جوعارى الدى. ەڭ جوعارى بالل – 140 باللدى ءبىر تالاپكەرىمىز جينادى. ول - پاۆلودار قالاسىنان دانيار ۋاليەۆ دەگەن وقۋشىمىز. بىلتىرمەن سالىستىرعاندا ەڭ جوعارى بالل 139 بولدى. ونى دا ءبىر تالاپكەر جينادى», دەدى قۋانىش ەرعاليەۆ.