قازاقستاننىڭ ەفيوپياداعى ەلشىلىگىندە قازاقستان تاۋەلسىزدىگىنىڭ 30 جىلدىعى مەن جامبىل جاباەۆ, مۇقاعالي ماقاتاەۆ, ىبىراي التىنسارين, دينا نۇرپەيىسوۆانىڭ مەرەيتويىنا ورايلاستىرىلعان قازاق مادەنيەتى مەن شىعارماشىلىق كەشى ءوتتى, دەپ حابارلايدى Egemen.kz.
ءىس-شاراعا ادديس-ابەبادا تۇراتىن قازاق دياسپوراسىنىڭ وكىلدەرى, سونداي-اق قر ەلشىلىگىنىڭ ۇجىمى قاتىستى.
مادەنيەت كەشى وسكەلەڭ ۇرپاقتىڭ قازاق داستۇرلەرى مەن ادەت-عۇرىپتارى, ۇلى تاريحي تۇلعالار جانە ولاردىڭ قازاق مادەنيەتىن, اتاپ ايتقاندا ادەبيەت, پوەزيا جانە حالىق مۋزىكاسىن دامىتۋعا قوسقان زور ۇلەسى تۋرالى بىلىمدەرىن كەڭەيتۋ ماقساتىندا ۇيىمداستىرىلدى.
مەرەكەلىك ءىس-شارا بارىسىندا جامبىل جاباەۆ, اباي قۇنانباەۆ, مۇقاعالي ماقاتاەۆتىڭ, سونداي-اق قازاق حالقىنىڭ تاريحىندا وشپەس ءىز قالدىرعان باسقا دا كورنەكتى تۇلعالاردىڭ ادەبي جانە مۋزىكالىق شىعارمالارى ورىندالدى.
مادەني كەش قوناقتارىنا ەلشىلىكتە قازاقستاننىڭ ەلورداسى – نۇر-سۇلتان قالاسىنا ارنالعان, تاۋەلسىزدىك جىلدارىنداعى ەلىمىزدىڭ دامۋ قارقىنىن سۋرەتتەيتىن فوتوكورمە ۇسىنىلدى.