قازاقستاننىڭ مادەنيەتى, سالت-ءداستۇرى مەن ونەرى افريكادا تانىتىلادى, دەپ حابارلايدى Egemen.kz.
حالىقارالىق تۇركسوي ۇيىمىنىڭ باس حاتشىسى دۇيسەن قاسەيىنوۆ كونگو دەموكراتيالىق رەسپۋبليكاسىمەن ءوزارا تۇسىنىستىك تۋرالى مەموراندۋمعا قول قويدى. ەندى ءتۇبى ءبىر تۇركى ەلدەرىنىڭ تاريحىن افريكا قۇرلىعى تانيتىن بولدى.
كونگونىڭ مادەنيەت, ونەر جانە ميراس ءمينيسترى كەترين كاتۋنگۋ فۋراحتىڭ ايتۋىنشا, بۇل قۇجات مادەنيەت, ونەر جانە اكادەميالىق زەرتتەۋلەر سالاسىندا ورتاق جۇمىس اتقارىپ, جاقىنداسۋعا مۇمكىندىك بەرەدى.
«تۇركى حالىقتارىنىڭ مۇرالارىمەن تانىساتىنىمىزعا قۋانىشتىمىن», دەدى ول.
سونداي-اق تۇركسوي ۇيىمىنىڭ باس حاتشىسى دۇيسەن قاسەيىنوۆ حالىقارالىق تۇركى مادەنيەتى ىنتىماقاستىعى ۇيىمىنىڭ جوبالارىنا افريكالىق ونەرپازدار مەن عالىمداردىڭ مۇشە رەتىندە قاتىساتىنىنا قۋانىشتى ەكەنىن جەتكىزدى.
ساپار بارىسىندا تۇركسوي ۇيىمى العاشقى شارا رەتىندە يۋنۋس ەمرەنىڭ كورمەسىن وتكىزدى.
تۇركسوي دەلەگاتسياسىنىڭ ساپارى ەفيوپيا استاناسى ادديس-ابەبا قالاسىندا جالعاستى. تۇركى مەملەكەتتەرى ەلشىلەرىنىڭ قاتىسۋىمەن جيىن ءوتىپ, تۇركسوي-افريكا وداعى اراسىندا ىسكەرلىك بايلانىس ورناتۋ ماسەلەسى قاراستىرىلىپ, جان-جاقتى قولداۋ تاپتى. قازاقستاننىڭ ەفيوپياداعى ەلشىسى بارلىباي سادىقوۆ تا بۇل باستامانىڭ جەمىستى بولاتىنىنا سەنىم ءبىلدىردى.