مادەنيەت جانە سپورت ءمينيسترى اقتوتى رايىمقۇلوۆا «Qazaq. التىن ادام تاريحى» اتتى فيلمىنەن العان اسەرىن ءبولىستى, دەپ حابارلايدى Egemen.kz.
«وسى تاماشا فيلم ءۇشىن وليۆەر ستوۋن, يگور لوپاتەنوك, يگور كوبزەۆ, كومپوزيتور كارلو مىرزالارعا, بۇكىل ءتۇسىرىلىم توبىنا, وسى جوباعا اتسالىسقان ءاربىر ادامعا ءوز اتىمنان, مادەنيەت جانە سپورت مينيسترلىگىنىڭ اتىنان ايرىقشا العىس ايتقىم كەلەدى», دەيدى مينيستر.
ونىڭ ايتۋىنشا, بۇل - تۇڭعىش پرەزيدەنت تۋرالى تۇسىرىلەتىن سوڭعى فيلم ەمەس. «ەلباسىنىڭ تۇلعاسى تۋرالى ءالى تالاي فيلم تۇسىرىلەدى دەپ ويلايمىن, كوپتەگەن كىتاپتار جازىلادى. وليۆەر ستوۋن مىرزا ايتقانداي, الەم كوشباسشىسى – بۇل ءبىزدىڭ نۇرسۇلتان ءابىش ۇلى نازارباەۆ. ەلباسى تۇلعاسىنىڭ اۋقىمىن تانۋ ارقىلى, تاۋەلسىزدىگىمىزگە 30 جىل تولعانىن ماقتان تۇتامىز», دەگەن اقتوتى راىمقۇلوۆا ەلباسىنىڭ تاۋەلسىزدىك جولىنداعى ەڭبەگىنە دە توقتالدى.
ء«بىز وتە باقىتتى حالىقپىز, وسىنداي ادەمى جەردە ءومىر ءسۇرىپ جاتىرمىز. ءبىز – ۇلى تاريحتىڭ, ۇلى مادەنيەتتىڭ مۇراگەرلەرىمىز. ەلباسى نۇرسۇلتان ءابىش ۇلى نازارباەۆ مەملەكەت باسىندا بولىپ, بىزگە تاۋەلسىزدىك اكەلدى», دەدى مادەنيەت جانە سپورت ءمينيسترى.