تاجىكستان پرەزيدەنتى نۇرسۇلتان نازارباەۆتى شىن جۇرەكتەن تۋعان كۇنىمەن قۇتتىقتاپ, مىقتى دەنساۋلىق, باۋىرلاس قازاقستان حالقىنىڭ يگىلىگى جولىنداعى مەملەكەتتىك قىزمەتىنە جاڭا تابىستار تىلەدى, دەپ حابارلايدى Egemen.kz.
تاجىكستان باسشىسى نۇرسۇلتان نازارباەۆتىڭ قازاقستان رەسپۋبليكاسىنىڭ تۇڭعىش پرەزيدەنتى رەتىندە الەمدە زور ابىرويعا جانە بارشانىڭ قۇرمەتىنە يە بولعانىن اتاپ ءوتتى.
سونداي-اق ەمومالي راحمون ەلباسىنىڭ قازاقستان مەن تاجىكستان اراسىندا دوستىق قاتىناستار مەن تىعىز ىقپالداستىق ورناۋىنا جانە دامۋىنا زور ۇلەس قوسقانىن ايتتى.
نۇرسۇلتان نازارباەۆ تاجىكستان باسشىسىنا ىزگى تىلەكتەرى ءۇشىن ريزاشىلىعىن ءبىلدىرىپ, قازاقستان مەن تاجىكستاننىڭ ءتۇرلى سالاداعى ىنتىماقتاستىعىن ودان ءارى نىعايتا ءتۇسۋ ماڭىزدى ەكەنىن جەتكىزدى.