بىراق بانكتەرگە وسى ماقساتتارعا بۇرىن شىعارىلعان قاراجاتتاردى حالىقتى نەسيەلەندىرۋ ءۇشىن پايدالانۋدى جالعاستىرۋ قۇقىعىن قالدىردى, دەپ جازادى Egemen.kz ۇلتتىق بانك تاراتقان دەرەككوزگە سىلتەمە جاساپ.
قالاي بولعاندا دا, جەڭىلدەتىلگەن اۆتونەسيەلەر جالپى ەكونوميكاعا جانە ونىڭ ىشىندە قارجى نارىعىنا وڭ اسەر ەتكەنىن ساراپشىلاردىڭ ءبارى ايتادى. Ranking.kz اگەنتتىگىنىڭ دەرەگىنشە, 2021 جىلدىڭ بەس ايىنىڭ قورىتىندىسى بويىنشا مىندەتتى اۆتوساقتاندىرۋ سەگمەنتىندە جينالعان ساقتاندىرۋ سىيلىقاقىلارىنىڭ كولەمى 37,9 ملرد تەڭگەنى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا (27,7 ملرد تەڭگە) 36,7%-عا كوپ.
باعدارلاما شارتتارىنا سايكەس, قازاقستاندىقتار ەكىنشى دەڭگەيلى بانكتەر ارقىلى جەڭىل اۆتوموبيلدەر ساتىپ الۋعا 4% نومينالدى مولشەرلەمەمەن نەسيە الۋ مۇمكىندىگىنە يە. جەڭىلدەتىلگەن نەسيەلەر تۇرعىنداردى وتاندىق وندىرىلگەن اۆتوموبيلدەردى ساتىپ الۋعا ىنتالاندىردى.
2021 جىلعى مامىردىڭ اياعىندا بانكتەر 49 ميلليارد تەڭگەگە 8,5 مىڭنان استام نەسيە بەردى.
جەڭىلدەتىلگەن نەسيەلەۋ وندىرۋشىلەرگە ساتىلىمعا كومەكتەستى جانە ءوندىرىستىڭ ءوسۋىن ىنتالاندىردى. ۇلتتىق ستاتيستيكا بيۋروسىنىڭ مالىمەتتەرى بويىنشا 2020 جىلدىڭ جەلتوقسان-قاڭتار ايلارىندا كولىك قۇرالدارى, تىركەمەلەر جانە جارتىلاي تىركەمەلەر ءوندىرىسىنىڭ ءوسۋى 2019 جىلدىڭ ناتيجەلەرىمەن سالىستىرعاندا 38,5% جوعارى بولدى. 2021 جىلدىڭ قاڭتار-مامىرىندا اۆتوموبيل وندىرۋشىلەر 2020 جىلدىڭ سوڭىنا قاراي اۆتوموبيلدەر ءوندىرىسىن 24,6% ارتتىردى.
بيۋدجەتكە جۇمىس ورىندارى مەن سالىقتاردان باسقا, جەڭىل اۆتوكولىكتەردىڭ وزىندىك ءوندىرىسى ساباقتاس سالالاردىڭ دامۋىنا اكەلەدى.
ۇلتتىق بانكتىڭ حالىققا ارنالعان جەڭىلدەتىلگەن اۆتونەسيەلەر باعدارلاماسىنان شىعۋى كوممەرتسيالىق بانكتەردى ءوز قاراجاتتارى ەسەبىنەن پەرسپەكتيۆالى باعىتقا كوبىرەك نەسيە بەرۋگە ىنتالاندىرۋى كەرەك.