28 ماۋسىم مەن 2 شىلدە ارالىعىندا قازاقستان حالقى اسسامبلەياسى ەتنومادەني بىرلەستىكتەردىڭ جاس وكىلدەرى ءۇشىن قازاق ءتىلىن قولدانۋىن كەڭەيتۋ ماقساتىندا ارنايى جازعى وقىتۋ باعدارلامانى ۇيىمداستىردى, دەپ حابارلايدى Egemen.kz.
اتاپ ايتقاندا, ەلىمىزدىڭ تۇكپىر — تۇكپىرىنەن 50-كە جۋىق بالا مەن ءتۇرلى ەتنوستاردىڭ جاستارى پاۆلودار وبلىسىنىڭ كوركەم جەرى - باياناۋىل ۇلتتىق ساياباعىندا وتكەن «قحا ەتنومادەني بىرلەستىكتەرىنە ارنالعان ءتىل مەكتەبىنە» قاتىستى.
مەكتەپتىڭ ماقساتى - مەملەكەتتىك ءتىلدىڭ ەتنوسارالىق قارىم-قاتىناس قۇرالى رەتىندە قولدانۋىنا اتسالىسۋ.
وسىلايشا, ۇيىمداستىرىلعان ساباقتاردا مەملەكەتتىك ءتىل تۋرالى جاستاردىڭ بىلىمدەرىن شىڭداپ قانا قويماي, سونىمەن ءوز ەتنوستارىنىڭ مادەنيەتى, تاريحى, اسحاناسىنىڭ ەرەكشەلىكتەرىمەن تانىستىرۋ, جارىس ويىندارى فورماتتارىندا, سونداي-اق پاۆلودار وبلىسىنىڭ كورىكتى جەرلەرىن زەردەلەۋ بارىسىندا مەملەكەتتىك ءتىلدى قولدانۋ اياسىن كەڭەيتۋگە مۇمكىندىك الدى.
جوباعا ءبىلىم بەرۋ ورتالىقتارىنىڭ ادىسكەرلەرى, جاتتىقتىرۋشىلارى, دوستىق ۇيلەرىنىڭ قىزمەتكەرلەرى, مەملەكەتتىك ءتىلدى وقىتۋ ادىستەمەلەرىنىڭ اۆتورلارى, پەداگوگتار مەن ەتنوپسيحولوگتار تارتىلدى.
تىلدىك مەكتەپتىڭ بارلىق قاتىسۋشىلارى ءتيىستى سەرتيفيكاتتارعا يە بولدى.