ازىق-ت ۇلىكپەن قامتاماسىز ەتۋ جاعدايى باقىلاۋدا - قر اشم

قر اۋىل شارۋاشىلىعى مينيسترلىگى ءباسپاسوز قىزمەتىنىڭ مالىمەتىنشە, ماڭعىستاۋ وبلىسىنىڭ تۇرعىندارى ءۇشىن جەم-ءشوپتىڭ قولجەتىمدىلىگىن قامتاماسىز ەتۋ ماقساتىندا رەسپۋبليكانىڭ باسقا وڭىرلەرىنەن جەم-ءشوپ ساتىپ الۋ جۇزەگە اسىرىلۋدا. سوڭعى ەكى اپتادا 13 مىڭ باۋ جانە 92 ورام ءشوپ اكەلىندى. اپتا سايىن قوستاناي وبلىسىنان 5 كەبەك ۆاگونى جەتكىزىلەدى.

جازعى مال جايۋدى بەينەۋ جانە قاراقيا اۋداندارىنا تاسىمالداۋ جۇزەگە اسىرىلادى. سونداي-اق, اقتوبە, سولتۇستىك قازاقستان, اتىراۋ وبلىستارىنىڭ اۋماعىنا جازعى مال جايۋ ءۇشىن 2260 باس جىلقى, 3000 باس قوي, 200 تۇيە جانە 1010 باس ءىرى قارا مال تاسىمالداندى.

جەرگىلىكتى فەرمەرلىك شارۋاشىلىقتار اقتوبە جانە اتىراۋ وبلىستارىنىڭ اۋماعىنداعى ءشوپتىڭ شابىلۋىن ۇيىمداستىرادى. سونداي-اق, اقتوبە وبلىسىنىڭ فەرمەرلىك شارۋاشىلىقتارىنىڭ وڭىرگە ءشوپ جەتكىزۋ كەستەسى بەكىتىلدى. ءشوپ ساتىپ الۋ «كاسپي» اكك 204 ميلليون تەڭگە سوماسىندا بولىنگەن قاراجات ەسەبىنەن جۇزەگە اسىرىلادى.

ازىق-ت ۇلىك كەلىسىمشارت كورپوراتسياسى 637 توننا ارپانى نارىقتىق باعادان 17%-عا تومەن باعامەن ساتتى. بۇگىندە  573 توننا ارپا جەتكىزىلدى. بۇعان قوسىمشا ۇكىمەت رەزەرۆىنەن حالىقتىڭ قىستاۋى مەن ماڭعىستاۋ وبلىسىنىڭ اگروقۇرىلىمدارى ءۇشىن جەم ساتىپ الۋعا 1,9 ميلليارد تەڭگە بولىنەدى.

قىزىلوردا وبلىسىنىڭ ارال اۋدانىنداعى جاعداي دا تۇراقتاندى. جالپى, ازىقپەن قامتاماسىز ەتۋ ماسەلەلەرىن شەشۋدى ۇيلەستىرۋ ءۇشىن اۋىل شارۋاشىلىعى مينيسترلىگى جانىنان رەسپۋبليكالىق جەدەل شتاب قۇرىلدى.  ونىڭ قۇرامىنا وبلىستار مەن اۋداندار اكىمدەرىنىڭ ورىنباسارلارى, «بايتەرەك» حولدينگى مەن ازىق-ت ۇلىك كورپوراتسياسىنىڭ قارجىلاندىرۋشى ۇيىمدارىنىڭ باسشىلارى ەنگىزىلدى.