ۇلتتىق بىرىڭعاي تەستىلەۋدە شەكتى بالل جيناي الماعان تۇلەكتەر دە بيىلعى جىلى جوعارى وقۋ ورىندارىنا تۇسە الادى, دەپ حابارلايدى Egemen.kz.
بۇل جونىندە جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ مالىمدەدى.
«ەگەر تۇلەك ءتورت مۇمكىندىكتى قولدانا وتىرىپ, شەكتى بالل جيناي الماسا, وندا ول ءوزى تاڭداعان كەز كەلگەن ماماندىق بويىنشا ۋنيۆەرسيتەتكە تۇسە الادى. الايدا, ول وسى جوو-دا وقۋعا لايىق ەكەنىن دالەلدەۋ ءۇشىن ءبىر جىل ىشىندە ۇبت-نى قايتا تاپسىرۋى قاجەت. سىناقتان ءوتۋ ءۇشىن تۇلەككە 4-5 مۇمكىندىك بەرىلەدى. ءبىز بۇل شەشىم تۋرالى جاقىندا جاريالايتىن بولامىز», دەدى تويباەۆ وكق بريفينگىندە.
بۇعان دەيىن ءبىلىم جانە عىلىم مينيسترلىگىندە وسى جىلعى تەستىلەۋ قورىتىندىسى جاريالانعان بولاتىن. ەڭ جوعارى باللدى ءبىر عانا تۇلەك جينادى. شەكتى بالدى 37,4%, ياعني 57 187 تۇلەك ەڭسەرە الماسا, 756 بالا تەستىلەۋگە جىبەرىلمەدى.