ەلدە ازىق-ت ۇلىك تاپشىلىعى جوق – اشم

قر اۋىل شارۋاشىلىعى مينيسترلىگى وڭىرلەردەگى نەگىزگى ازىق-ت ۇلىك جاعدايىنا اپتا سايىن مونيتورينگ جۇرگىزىپ وتىر. وندا تۇرعىنداردىڭ 32 ءتۇرلى تاۋارمەن قامتاماسىز ەتىلۋى نازارعا الىنعان. ول ءۇشىن تۇراقتاندىرۋ قورلارىنداعى, ءىرى ساۋدا جەلىلەرىندەگى, جەتكىزۋشىلەر مەن قايتا وڭدەۋ كاسىپورىندارىنىڭ قويمالارىنداعى قور ەسكەرىلەدى.

وڭىرلەردىڭ جەدەل دەرەكتەرىنە سايكەس, قازىرگى ۋاقىتتا رەسپۋبليكا بويىنشا 795 مىڭ توننا كولەمىندە ءتۇرلى ازىق-ت ۇلىك تاۋارلارىنىڭ قورى بار. ونىڭ ىشىندە ءوندىرۋشى كاسىپورىنداردا 298 مىڭ توننا, قويمالاردا – 93,2 مىڭ توننا, ساۋدا جەلىلەرىندە – 353,2 مىڭ توننا, تۇراقتاندىرۋ قورلارىندا – 19,8 مىڭ توننا قور بار. سونىمەن قاتار 325 ملن جۇمىرتقا مەن 3,5 ملن توننا ازىق-ت ۇلىك بيدايى بار.

«وسىعان وراي, تەز بۇزىلاتىن ونىمدەردىڭ قورى ءبىر اپتا نەمەسە ودان دا كوپ ۋاقىتقا, ال ۇزاق مەرزىمدى ساقتاۋ ونىمدەرىنىڭ بىرنەشە ايعا جەتكىلىكتى قورى جيناقتالعان. ايتا كەتەر ءجايت, ازىق-ت ۇلىك ءوندىرىسى ارتىپ كەلەدى جانە قورلار ۇنەمى جاڭارتىلىپ, تولىقتىرىلىپ وتىرادى. سوندىقتان ولار بويىنشا تاپشىلىق جوق جانە كۇتىلمەيدى», دەلىنگەن مينيسترلىك حابارلاماسىندا.