ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا قازىر وتە قارقىندى جۇمىس ىستەپ جاتىر. بۇل تۋرالى پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ «اشىق ديالوگ» الاڭىندا ايتتى, دەپ حابارلايدى Egemen.kz.
د.اباەۆتىڭ ايتۋىنشا, قۇجاتتار مەن ارحيۆ ءجىتى زەرتتەلۋ ۇستىندە. بۇل ىستە ەشقانداي ناۋقانشىلدىق, تەندەنتسياعا بوي ۇرۋ, تاريحتى يدەولوگيالاندىرۋ تالپىنىسى جوق.
ء«بىزدىڭ مىندەتىمىز وتە ايقىن – قۇجاتتار مەن دالەلدەرگە ارقا سۇيەپ قانا تاريحتىڭ اقتاڭداقتارى مەن تراگەديالىق تۇستارىنا جارىق ءتۇسىرۋ. مىسالى, ءحىح عاسىردىڭ اياعى مەن حح عاسىردىڭ 30 جىلدارى ارالىعىندا قازاقستاندا 370-تەن استام كوتەرىلىس بولعان. كەيدە ونى ساربادار كوتەرىلىستەرى دەپ تە اتاعان. ولاردىڭ ءبارىن اشارشىلىق پەن ۇجىمداستىرۋدىڭ اۋىرتپالىعى, سول كەزدەگى بيلىكتىڭ باسقىنشىلىق ادىستەرى تۋىنداتقان. سول وقيعالارعا قاتىسقان ادامدار رەسمي سوتتالىپ, «بانديت» رەتىندە ەسەپكە الىندى. ءالى كۇنگە دەيىن قۇجاتتاردا سولاي ءجۇر. ءبىزدىڭ مىندەتىمىز وسى سياقتى ماسەلەلەردىڭ انىق-قانىعىن انىقتاپ, شىن مانىندە قىلمىسكەر بولماعان ادامداردى اقتاۋ», دەيدى داۋرەن اباەۆ.