قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-مايور تالعات قويباقوۆ پەن ءۇندىستان قارۋلى كۇشتەرى قۇرلىق اسكەرلەرىنىڭ باس شتابىنىڭ باستىعى گەنەرال م. ناراۆانە تەلەفون ارقىلى سويلەستى, دەپ حابارلايدى Egemen.kz.
اڭگىمە بارىسىندا پاندەميامەن كۇرەسۋدەگى ۇيلەستىرۋ ءىس-قيمىلى مەن ۆيرۋستىڭ تارالۋىنا قارسى كومەك كورسەتۋ ماسەلەلەرى تالقىلاندى.
ءۇندى تاراپى قازاقستاندىق اسكەري قىزمەتشىلەردى «ايتەك» باعدارلاماسى بويىنشا دايارلاۋ جالعاساتىنىن مالىمدەدى. ودان وزگە, گەنەرال م. ناراۆانە اسكەري ءبىلىم اياسىندا تاجىريبە الماسۋ ءۇشىن جوعارى اسكەري وقۋ ورىندارىنا ەكى ەلدەن وفيتسەرلەر مەن كۋرسانتتاردى جىبەرۋ ارقىلى ىنتىماقتاستىقتى نىعايتۋدى ۇسىندى.
گەنەرال م. ناراۆانە گەنەرال-مايور تالعات قويباقوۆتى ءۇندىستاننىڭ قورعانىس-وندىرىستىك كەشەنىنىڭ مۇمكىندىكتەرىمەن جەكە تانىسۋعا شاقىردى.
ءسوز اراسىندا «قازۇند-2021» بىرلەسكەن تاكتيكالىق وقۋ-جاتتىعۋىن وتكىزۋدى جالپى ۇيىمداستىرۋ ماسەلەلەرى تالقىلاندى.