الماتىدا كوروناۆيرۋس جۇقتىرعاندار سانى قايتا كوبەيىپ بارادى

الماتىدا 1 شىلدەدەگى جاعداي بويىنشا كوروناۆيرۋس ينفەكتسياسىنىڭ 74 306 جاعدايى تىركەلدى, ونىڭ 57 841-ءى سيمپتومدى جانە 16 465-ءى سيمپتومسىز, انىقتالماعان پنەۆمونيا - 1 993

ينفەكتسيالىق ستاتسيونارلاردا 703 ادام ەمدەلىپ جاتىر, ونىڭ 53-ءى بالالار. جالپى ناۋقاستاردىڭ ىشىندەگى 16 پاتسيەنتتىڭ جاعدايى وتە اۋىر, 153-ءى اۋىر, 534 - ورتاشا اۋىرلىق دارەجەدە. رەانيماتسيا جانە ينتەنسيۆتى تەراپيا بولىمدەرىندە 54 ناۋقاس جاتىر. ءوجج اپپاراتىندا - 11, ءينۆازيۆتى ەمەس ءوجج اپپاراتىندا - 23, High flow اپپاراتىندا – 18 ادام جاتىر.

بۇگىندە امسك مەن تەلەمەديتسينا ورتالىعىنىڭ ءموبيلدى توپتارى ۇيدەگى 1507 ناۋقاستى باقىلاۋدا, ولاردىڭ 213-ءى سيمپتومسىز, 1271-ءى جەڭىل, 23-ءى ورتاشا اۋىرلىق دارەجەدە. پاتسيەنتتەردىڭ جالپى سانىنان 205 پاتسيەنتتەر ينفەكتسيالىق ستاتسيونارلاردان شىعارىلدى, قازىر ولار وقشاۋلانۋدا جانە باقىلاۋدا.

بۇگىندە كۆي-ءدىڭ 1295 بەلسەندى وشاقتارى بار. ولاردىڭ باسىم كوپشىلىگى اۋەزوۆ اۋدانىندا, مۇنداعى 5255 وشاقتىڭ 252-ءسى بەلسەندى. المالى اۋدانىنداعى 5887 وشاقتىڭ 238-ءى بەلسەندى. الاتاۋدا - 4047 وشاقتىڭ ىشىنەن – 191 بەلسەندى, بوستاندىقتا 5444 وشاقتىڭ - 153 بەلسەندى. مەدەۋدە 4919 وشاقتىڭ - 144 بەلسەندى. دەرت تىركەلگەن ورىندار - ۇيلەر, پاتەرلەر, كەڭسەلەر جانە ت.ب. بەلسەندى وشاق سانالادى. ولار 14 كۇن بويى باقىلاۋعا الىنادى. 

سوڭعى 7 كۇندە 20 مەن 39 جاس ارالىعىندا كۆي-ءدى 394 ادام (37,6%) جۇقتىرعان, 40-59 جاس ارالىعىنداعىلاردا 243 جاعداي (23,2%), 60 جاس جانە ودان جوعارىداعىلاردا 211 جاعداي (20,1%). 14 جاسقا دەيىن - 131 جاعداي (14,6%), 15-19 جاستا - 46 (4,4%) جانە 1 جاسقا دەيىن - 22 جاعداي (2,1%) تىركەلگەن. وسىلايشا, دارىگەرلەر مەن سانيتارلىق دارىگەرلەر قوعامنىڭ ەڭ بەلسەندى ساناتىنىڭ ينفەكتسيانى تەز جۇقتىراتىنىن ايتتى.

سوڭعى اپتاداعى مالىمەتتەر بويىنشا ينفەكتسيا قوعامدىق ورىنداردا (54,2%), ياعني كافەلەر, مەيرامحانالار, تۇنگى كلۋبتار جانە باسقا دا جاپپاي جينالۋ ورىندارىندا تەز تارالۋدا. كۆي دەرتىنە شالدىققانمەن بايلانىستا بولعاندار دا بار, ينفەكتسيانىڭ 24,4%-ى وتباسىندا جۇققان.

سوندىقتان الماتىداعى كۆي-ءدىڭ تارالۋىنىڭ الدىن الۋ جونىندەگى قالالىق شتاب ەپيدەميولوگيالىق جاعدايدىڭ ۋشىعىپ كەلە جاتقانىن ەسكەرە وتىرىپ, الماتىلىقتار مەن قالا قوناقتارىن مەرەكەلىك دەمالىس كۇندەرى قارساڭىندا قوعامدىق ورىندارعا بارۋدان باس تارتۋعا شاقىرادى. سونىمەن قاتار سانيتارلىق قاۋىپسىزدىك شارالارىن, ونىڭ ىشىندە بەتپەردە تاعۋ, الەۋمەتتىك قاشىقتىقتى ساقتاۋ قاجەت. جالپى, ينفەككتسيادان قورعاۋدىڭ جالعىز سەنىمدى ءارى ءتيىمدى جولى – ۆاكتسينا سالدىرۋ.

بۇگىندە الماتىدا 461 545 ادامعا ۆاكتسينا ەگىلدى. وتكەن تاۋلىكتە 10340 ادامعا ەكپە سالىندى. ۆاكتسينالانعانداردىڭ جالپى سانىنان 60 جاستان اسقاندار - 78257 ادام.

قالادا مەديتسينالىق ۇيىمداردا, مەكتەپتەردە, مادەني-سپورتتىق مەكەمەلەردە, بازارلاردا جانە سوسو-دا 208 ەكپە پۋنكتى بار. 1256 ادامنان تۇراتىن 307 بريگادا ۆاكتسينا سالۋعا جۇمىلدىرىلعان.

الماتىدا 28 پتر زەرتحاناسى بار, ولاردىڭ جالپى قۋاتتىلىعى تاۋلىگىنە 15 770 سىناما جاساۋ. بولاشاقتا ولاردىڭ قۋاتتىلىعى تاۋلىگىنە 27 242 سىناماعا ارتاتىن بولادى. بۇدان وزگە, تاۋلىگىنە 3248 سىناما جاسايتىن وتكىزۋگە قابىلەتتى يفس زەرتحاناسى بار.