كوروناۆيرۋس ينفەكتسياسىن ورشىتپەۋ ماقساتىندا الماتىنىڭ حالىقارالىق اۋەجايىندا سانيتارلىق-ەپيدەميولوگيالىق باقىلاۋ قايتا كۇشەيتىلدى, دەپ حابارلايدى Egemen.kz.
الماتىدا كۆي-ءدىڭ تارالۋىن بولدىرماۋ جونىندەگى شتابتىڭ دەرەگى بويىنشا 2020 جىلدىڭ 6 قازانىنان 2021 جىلدىڭ 30 ماۋسىمىنا دەيىن قالانىڭ حالىقارالىق اۋەجايىنا بورتىندا 424 799 جولاۋشى بار 2935 رەيس كەلگەن. ونىڭ ىشىندە COVID-19 تەرىس ناتيجەسى بار سەرتيفيكاتتارمەن - 395 431, ۆاكتسينالانۋ پاسپورتتارىمەن - 3836, سەرتيفيكاتتارسىز 25 532 ادام بولدى.
كارانتيندىك ستاتسيونارعا وسى ۋاقىتقا دەيىن 25 500 ادام پتر ءاناليزىن تاپسىرۋ ءۇشىن جاتقىزىلىپ, ونىڭ ىشىندە 125 جولاۋشىدان ىندەت تابىلعان بولاتىن.
تەرىس پتر سىناعى سەرتيفيكاتتارىنىڭ بولماۋى سالدارىنان 32 شەتەلدىك ازامات الماتى اۋەجايىنان ەلدەرىنە قايتارىلدى.
ەسكە سالساق, مەگاپوليستەگى سانيتارلىق-ەپيدەميولوگيالىق احۋال مۋتاتسيالانعان «دەلتا» شتامىنىڭ تارالۋىنا بايلانىستى كۇردەلەنە تۇسۋدە. 1 شىلدەدەگى جاعداي بويىنشا الماتى قالاسىندا كوروناۆيرۋس ينفەكتسياسىنىڭ 74 306 جاعدايى تىركەلدى, ونىڭ 57 841-ءى سيمپتومدى, 16 465-ى سيمپتومسىز, 1 993 جاعدايى انىقتالماعان پنەۆمونيا.
30 ماۋسىمدا كوروناۆيرۋس ينفەكتسياسىنىڭ 305 جاعدايى تىركەلدى, ونىڭ 282-ءسى سيمپتومدى, 23-ءى سيمپتومسىز. تاۋلىكتىك ءوسىم - 0,4% . رەپرودۋكتيۆتى سانى - 1,287. 29 ماۋسىمداعى جاعداي بويىنشا زەرتتەلگەن سىنامالارداعى ءۇندى شتاممىنىڭ ۇلەس سالماعى 78,3%.
سوندىقتان الماتىداعى كۆي-ءدىڭ تارالۋىن بولدىرماۋ جونىندەگى شتاب قالا تۇرعىندارى مەن قوناقتارىن ماسكا رەجيمى مەن الەۋمەتتىك اراقاشىقتىقتى قاتاڭ ساقتاۋعا, ادامدار كوپ شوعىرلاناتىن ورىنداردان اۋلاق بولۋعا شاقىرادى. سونىمەن قاتار اركىم ءوزى مەن جاقىندارىنىڭ دەنساۋلىعىن ساقتاۋ ءۇشىن ۆاكتسينا العاندارى ءجون.