الماتى وبلىسىندا 37 جاستاعى ەر ادامدى سۋرەتكە ءتۇسۋ كەزىندە وزەن اعىنى الىپ كەتتى. قۇتقارۋ جۇمىستارى جۇرگىزىلۋدە. بۇل تۋرالى قر توتەنشە جاعدايلار مينيسترلىگىنىڭ ءباسپاسوز قىزمەتىنەن ءمالىم ەتتى, دەپ حابارلايدى Egemen.kz.
«1 شىلدەدە ساعات 11.15-تە «112» پۋلتىنە الماتى وبلىسىنىڭ كەگەن اۋدانىندا 1984 جىلى تۋعان ەر ادامدى شارىن وزەنىنىڭ اعىنى الىپ كەتكەندىگى تۋرالى حابار ءتۇستى. ىزدەستىرۋ جۇمىستارىن جۇرگىزۋ ءۇشىن وقيعا ورنىنا تەز ارادا الماتى وبلىسى توتەنشە جاعدايلار دەپارتامەنتىنىڭ كۇشتەرى مەن قۇرالدارى جىبەرىلدى. ولاردىڭ جالپى سانى جەكە قۇرامنان 15 ادام مەن 4 بىرلىك تەحنيكا.
وقيعا ورنىنا ساعات 12.05-تە تجم رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى دا جىبەرىلدى. ولاردىڭ جالپى سانى جەكە قۇرامنان 8 ادام مەن 1 كينولوگيالىق ەسەپ. ساعات 13.00-دە وقيعا ورنىنا «قازاۆياقۇتقارۋ» اق-نىڭ تىكۇشاعى ۇشىپ شىقتى. قوسىمشا كۇشتەر مەن قۇرالدار جىبەرىلەتىن بولادى», دەدى مينيسترلىكتىڭ ءباسپاسوز قىزمەتىنەن.
الدىن الا مالىمەتكە سايكەس, ەر ادام تۋريستىك توپپەن جۇرگەن. فوتوعا ءتۇسۋ كەزىندە قاۋىپتى ايماقتا اياعى تايىپ كەتىپ, سۋعا قۇلاعان. ونى وزەن اعىنى الىپ كەتتى.