«قاراسورا-2021» وپەراتسياسىنىڭ اياسىندا استانانىڭ 26 جاستاعى تۇرعىنى 200 گرامم گاشيشپەن ۇستالدى. ول ەسىرتكى ستۋمەن اينالىستى دەگەن كۇدىككە ءىلىنىپ وتىر, دەپ حابارلايدى Egemen.kz.
نۇر-سۇلتان قالالىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, ساقشىلار «قاراسورا-2021» رەسپۋبليكالىق وپەراتسياسى شەڭبەرىندە ەسىرتكى ساۋداسىنىڭ ارناسىن اشكەرەلەدى.
«28 ماۋسىمدا يمانباەۆ كوشەسىندە ەسىرتكى ساتقانى ءۇشىن ەلوردانىڭ 26 جاستاعى تۇرعىنى ۇستالدى. ودان جالپى سالماعى 200 گرامم گاشيش تاركىلەندى. بۇدان بولەك, 29 ماۋسىم كۇنى شۇعىل-ىزدەستىرۋ شارالارى بارىسىندا ەسىرتكى تاسىمالىن ۇيىمداستىرۋشى 37 جاستاعى ەر ادام ۇستالدى. ونىڭ كولىگىن ءتىنتۋ كەزىندە 9 كەلى ماريحۋانا تاركىلەندى», دەيدى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى ولجاس جارىلعاپوۆ.
پوليتسيا قىزمەتكەرلەرىنىڭ ايتۋىنشا, تاركىلەنگەن ەسىرتكىنىڭ باعاسى «قارا نارىقتا» 9 ميلليون تەڭگەگە جۋىق.
«ۇستالعاندار ۋاقىتشا ۇستاۋ يزولياتورىنا قامالدى. تەرگەۋ ءجۇرىپ جاتىر, ەلورداعا ەسىرتكى جەتكىزۋگە قاتىسى بار قىلمىستىق تىزبەكتىڭ بارلىق قاتىسۋشىلارى انىقتالۋدا», دەپ جازىلعان دەپارتامەنت تاراتقان حابارلامادا.