نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى, دەپ حابارلادى ەلباسىنىڭ ءباسپاسوز قىزمەتى.
كەزدەسۋ بارىسىندا جوعارى ەۋرازيا ەكونوميكالىق كەڭەستىڭ قۇرمەتتى توراعاسى قازاقستان-رەسەي ىنتىماقتاستىعى بۇرىننان مەملەكەتارالىق قاتىناستىڭ جارقىن ۇلگىسى ەكەنىن اتاپ ءوتتى.– ءبىزدىڭ بايلانىسىمىزدىڭ تاريحى, ياعني قازاقستان مەن رەسەي اراسىنداعى قارىم-قاتىناس – تۇراقتى ءارى مەملەكەتارالىق قاتىناستىڭ ۇلگىسى بولىپ سانالادى. مەن بۇدان بىلاي دا وسى باعىتتى ۇستانا بەرەمىن, – دەدى ەلباسى.نۇرسۇلتان نازارباەۆ رەسەي پرەزيدەنتىنە پاندەميا كەزىندە قازاقستانعا كورسەتىپ جاتقان قولداۋى ءۇشىن ريزاشىلىعىن ءبىلدىرىپ, قاراعاندى فارماتسەۆتيكالىق زاۋىتىندا رەسەيلىك ۆاكتسينا شىعارۋ اياسىنداعى ءتيىمدى ارىپتەستىكتىڭ جايىنا توقتالدى.ۆلاديمير پۋتين كوروناۆيرۋس پاندەمياسىنىڭ تەرىس اسەرىنە قاراماستان, ەكىجاقتى بايلانىس وڭ قارقىن الىپ وتىرعانىن اتاپ ءوتتى. – ءسىزدىڭ ارقاڭىزدا رەسەي مەن قازاقستان اراسىنداعى قارىم-قاتىناستىڭ دامۋ قارقىنى بولاشاققا سەنىممەن قاراۋىمىزعا مۇمكىندىك بەرەدى. پاندەميا سالدارىنان تاۋار اينالىمى 4 نەمەسە 5 پايىز تومەندەگەنىنە قاراماستان, بيىلعى جىلدىڭ العاشقى جارتىسىندا 20 پايىزعا جۋىق ءوسىم بايقالىپ وتىر. بۇل وزگە باعىتتار بويىنشا دا ءبىزدىڭ قارىم-قاتىناسىمىز وتە جاقسى داميتىنىن كورسەتەدى, – دەدى ۆلاديمير پۋتين.