استانا – پاۆلودار رەسپۋبليكالىق اۆتوجولىندا كولىكتەر بۇدان بىلاي ساعاتىنا 110 كم جىلدامدىقپەن جۇيتكي الادى. جىلدامدىق رەجيمىن شەكتەۋ قىسقى ۋاقىتتا عانا قولدانىلادى, دەپ حابارلايدى Egemen.kz
بۇل تۋرالى «قازاۆتوجول» اق پاۆلودار وبلىستىق فيليالى مالىمدەدى.
«جول قوزعالىسى قاۋىپسىزدىگىن قامتاماسىز ەتۋ ماقساتىندا قازاقستان رەسپۋبليكاسى ىشكى ىستەر مينيسترلىگى حالىقارالىق جانە رەسپۋبليكالىق ماڭىزى بار بارلىق اۆتوكولىك جولدارىندا قىسقى كەزەڭگە عانا جىلدامدىق رەجيمىن تومەندەتۋ تۋرالى شەشىم قابىلدادى», دەلىنگەن حابارلامادا.
مينيسترلىكتىڭ شەشىمىن ورىنداۋ شەڭبەرىندە 2026 جىلعى 9 اقپان ساعات 00.00-دەن باستاپ استانا – پاۆلودار باعىتى بويىنشا قىسقى كەزەڭگە جىلدامدىق رەجيمىن 140 شاقىرىم/ساعاتتان 110 شاقىرىم/ساعاتقا دەيىن تومەندەتۋ جۇرگىزىلەدى.
تاسقىنعا تاسجول توسقاۋىل
كوكتەم-جاز كەزەڭىنىڭ باستالۋىمەن بۇرىن بەلگىلەنگەن جىلدامدىق رەجيمىن قالپىنا كەلتىرۋ جوسپارلانعان.
40 مىڭ شاقىرىمنان استام تاسجولدا ينتەرنەت پايدا بولادى
پاۆلودار وبلىسى