ەنەرگەتيكا ءمينيسترى نۇرلان نوعاەۆ ورتالىق كوممۋنيكاتسيالار قىزمەتىندە وتكەن حالىق الدىندا ەسەپ بەرۋ كەزدەسۋىندە وسىنداي كورسەتكىشتەردى جاريا ەتتى, دەپ حابارلايدى Egemen.kz.
نۇرلان نوعاەۆتىڭ ايۋىنشا, گاز ءوندىرۋ جوسپارى قايتا قارالدى. ياعني, مۇناي ءوندىرۋدىڭ تومەندەۋى گازعا دا اسەر ەتتى.
«2020 جىلدىڭ قورىتىندىسى بويىنشا تاۋارلىق گاز ءوندىرىسى 30,5 ملرد م3 قۇرادى. 2021 جىلعا ارنالعان تاۋارلىق گازدىڭ جوسپارى – 30 ملرد م3. بىلتىر گاز ەكسپورتىنىڭ كولەمى 10,7 ملرد م3 بولسا, 2021 جىلعا ارنالعان جوسپار دا سول كولەمدە», دەدى مينيستر.
وتكەن جىلدىڭ قورىتىندىسى بويىنشا 3,2 ملن توننا سۇيىتىلعان گاز ءوندىرىلدى.