2021 جىلعى 1 شىلدەدەن باستاپ ەۋرازيالىق ەكونوميكالىق وداق اۋماعىندا جۇمىس ىزدەۋدىڭ بىرىزدەندىرىلگەن جۇيەسى – «شەكاراسىز جۇمىس» ونەركاسىپتىك پايدالانۋعا بەرىلەتىن بولادى, دەپ حابارلايدى Egemen.kz.
«شەكاراسىز جۇمىس» – بۇل ەاەو-عا مۇشە مەملەكەتتەردىڭ اقپاراتتىق جۇيەلەرىندەگى بوس جۇمىس ورىندارى مەن بوس جۇمىس ورىندارىن ىزدەۋشىلەر تۋرالى اقپارات الۋعا ارنالعان ىزدەۋ جۇيەسى.
«ورتاق ينتەگراتسيالىق جۇيەنى ءبىر ۋاقىتتا ىسكە قوسۋ ءۇشىن شەتەلدىك ارىپتەستەرمەن بىرلەسىپ مۇشە مەملەكەتتەردىڭ اۋماعىندا جۇمىس ىزدەۋ بويىنشا نەگىزگى اقپاراتتىق جۇيەلەر ازىرلەندى: «گورتس» ارميان اقپاراتتىق جۇيەسى, بەلارۋس رەسپۋبليكاسىنىڭ مەملەكەتتىك جۇمىسپەن قامتۋ قىزمەتىنىڭ اقپاراتتىق پورتالى, قىرعىزداردىڭ «جۇمىسپەن قامتۋ» پورتالى, «رەسەيدەگى جۇمىس» اقپاراتتىق جۇيەسى جانە ءوزىمىزدىڭ «ەڭبەك» پورتالى», دەدى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ.
جالپى جۇيە ەاەو-نىڭ بارلىق جۇمىس ىزدەۋشىلەرى مەن جۇمىس بەرۋشىلەرىنە ۇلتتىق ەڭبەك بيرجالارىندا جينالعان, ۆەريفيكاتسيالانعان جانە جاريالانعان بوس جۇمىس ورىندارى مەن تۇيىندەمەلەر بويىنشا جۇمىس ورنىن نەمەسە قىزمەتكەرلەردى ىزدەۋگە مۇمكىندىك بەرەدى.