بۇگىن د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەت تۇلەكتەرىنە وزىندىك ۇلگىسى بار العاشقى ديپلومدار تابىستالدى. ەرەكشە ديپلومداردى العاشقىلاردىڭ ءبىرى بولىپ «تەحنيكالىق فيزيكا» مەن «ماتەماتيكالىق جانە كومپيۋتەرلىك مودەلدەۋ» فاكۋلتەتىنىڭ تۇلەكتەرى الدى, دەپ حابارلايدى Egemen.kz.
فاكۋلتەتتىڭ 21 تۇلەگى جوعارى ءبىلىم تۋرالى ديپلوم السا, ولاردىڭ تورتەۋى ۇزدىك قۇجاتقا يە بولدى. ونلاين فورماتتاعى ءىس-شاراعا تۇلەكتەردىڭ اتا-انالارى دا قاتىستى. ولار پروفەسسورلىق-وقىتۋشىلىق قۇرامعا ساپالى ءبىلىم بەرگەندەرى ء ۇشىن العىس بىلدىرە وتىرىپ, بىتىرۋشىلەرگە دەنساۋلىق جانە شىعارماشىلىق تابىس تىلەدى. وسى رەتتە وقۋ ورىن باسشىلىعى دا ءوز لەبىزدەرىن ءبىلدىردى.
– قۇرمەتتى تۇلەكتەر, سىزدەرگە وزىندىك ۇلگىدەگى ديپلومداردى تاپسىرا وتىرىپ, ۋنيۆەرسيتەت جاقسى مامانداردى دايارلاعانىنا كەپىلدىك بەرەتىنىن ايتقىم كەلەدى. بۇل قۇجاتپەن سىزدەر ەڭبەك نارىعىندا باسەكەگە قابىلەتتى بولاسىزدار, – دەدىرەكتور جاسۇلان شايماردانوۆ.
ديپلومنىڭ ەرەكشەلىگى – سايكەستەندىرۋ ءنومىرى بار. ياعني, بەلگىلى ءبىر ستۋدەنتكە بەكىتىلىپ, ۇلتتىق ءبىلىم بەرۋ دەرەكتەر بازاسىندا ساقتالادى. ول دەگەنىمىز, كەز-كەلگەن ۋاقىتتا ديپلومنىڭ تۇپنۇسقالىعىن تەكسەرۋگە مۇمكىندىك بەرەدى.