ءبىلىم جانە عىلىم مينيسترلىگى مەكتەپتە پايدالانۋعا تىيىم سالىنعان زاتتاردىڭ ءتىزىمىن بەكىتتى, دەپ حابارلايدى Egemen.kz ءبىلىم جانە عىلىم مينيسترلىگىنە سىلتەمە جاساپ.
«قر ءبىلىم جانە عىلىم ءمينيسترىنىڭ بۇيرىعىمەن ءبىلىم بەرۋ ۇيىمدارىنا كىرگىزۋگە تىيىم سالىنعان جانە پايدالانۋعا شەكتەۋ قويىلعان زاتتار تىزبەسى بەكىتىلدى. بۇل تىزىمگە قارۋدىڭ بارلىق ءتۇرى, وق-دارىلەر, جارىلعىش زاتتار, سونداي-اق تەسۋگە جانە كەسۋگە ارنالعان زاتتار كىرەدى. جاڭا نورمانى ەنگىزۋ بالالارعا قاۋىپسىز جانە جايلى وقۋ ورتاسىن قۇرۋعا, قۇقىقبۇزۋشىلىقتاردى ۋاقىتىلى انىقتاۋعا جانە ونىڭ الدىن الۋعا مۇمكىندىك بەرەدى», دەلىنگەن مينيسترلىك حابارلاماسىندا.
وسىلايشا, مەكتەپتەرگە قارۋلار مەن وعان ۇقساس زاتتاردى اكەلۋگە قاتاڭ تىيىم سالىنادى.
«بۇدان باسقا, ءبىلىم بەرۋ ۇيىمدارىندا كەسۋگە ارنالعان جانە وتكىر زاتتاردى, ونەركاسىپتىك قۇرالداردى, وق-دارىلەردى, جارىلعىش, ۋلى, پسيحواكتيۆتى زاتتاردى اكەلۋگە جانە پايدالانۋعا جول بەرىلمەيدى. بالالاردىڭ تىيىم سالىنعان زاتتاردى ءبىلىم بەرۋ ۇيىمدارىنا كىرگىزگەنى ءۇشىن ولاردىڭ اتا-انالارى مەن زاڭدى وكىلدەرى جاۋاپتى بولادى», دەيدى قر بعم.