اقتوتى رايىمقۇلوۆا جۋرناليستەردى ماراپاتتادى

مينيستر باق وكىلدەرىنىڭ پاندەميا كەزىندە حالىقتىڭ «كوزى, قۇلاعى ءھام تىلىنە» اينالىپ, تىنباي ەڭبەكتەنۋ ارقىلى اقپارات ايدىنىندا جالعان مالىمەتتەرگە بوي الدىرماي, دۇرىس باعىت ۇستانۋعا كومەكتەسكەنىن اتاپ ءوتتى.

«28 ماۋسىمنىڭ بۇقارالىق اقپارات قۇرالدارى قىزمەتكەرلەرى كۇنى بولىپ بەكىتىلۋى – جۋرناليستيكا سالاسىنا ءومىرىن ارناعان ادامدارعا دەگەن, ولاردىڭ كəسىبيلىگىنە دەگەن قۇرمەتتىڭ بەلگىسى.

ۇلت بولاشاعىنا, ەلدىڭ ەرتەڭىنە ەرەن ەڭبەگىمەن ۇلەس قوسىپ, شىندىقتىڭ جارشىسى بولعان سىزدەردى كاسىبي مەرەكەمەن قۇتتىقتاۋ – ءبىز ءۇشىن ۇلكەن قۋانىش. تاۋەلسىزدىك جىلدارىندا قوعامنىڭ «كوزى مەن قۇلاعى ءھام ءۇنى» بولعان ء«تورتىنشى بيلىك» وكىلدەرىمەن مەملەكەتتىك ورگانداردىڭ تىعىز ىنتىماقتاستىقتا جۇمىس اتقارۋى ءوز ناتيجەسىن بەرىپ كەلەدى. مادەنيەت, سپورت جانە تۋريزم سالاسىنىڭ وزەكتى تاقىرىپتارىن ەلىمىزگە, قالىڭ بۇقارانىڭ كوكەيتەستى ماسەلەسىن بىزگە جەتكىزە بىلگەندەرىڭىز ءۇشىن العىسىمىز شەكسىز! بۇقارالىق اقپارات – بيلىك پەن بۇقارا اراسىنداعى التىن كوپىر. سىزدەر ارقىلى حالىق بيلىككە ءسوزىن دەر كەزىندە جەتكىزىپ وتىر. ال باسپاسوزبەن تىعىز بايلانىستىڭ ناتيجەسىندە اتقارۋشى بيلىك ورگاندارىنىڭ قىزمەتى تۋرالى حالىققا جەدەل ءارى ناقتى اقپارات بەرىلىپ كەلەدى. دەنساۋلىقتارىڭىز مىقتى بولسىن! كاسىپتەرىڭىزگە ورلەۋ, شىعارماشىلىقتارىڭىزعا ساتتىلىك, ەڭبەكتەرىڭىزگە تولايىم تابىس تىلەيمىن!», دەدى اقتوتى رايىمقۇلوۆا.

وسىدان كەيىن مادەنيەت جانە سپورت ءمينيسترى جىل باسىنان بەرى اتقارىلىپ كەلە جاتقان جۇمىسقا قىسقاشا توقتالىپ, مينيسترلىك جۇزەگە اسىرىپ جاتقان كوپتەگەن باعدارلاما مەن جوبانى حالىققا جەتكىزىپ, كەڭىنەن ناسيحاتتاۋ جولىندا باق-تىڭ الاتىن ورنى ەرەكشە ەكەنىن جەتكىزدى.

«بيىل بايتاق وتانىمىزدىڭ ەگەمەندىك العانىن 30 جىل تولىپ وتىر. تاۋەلسىزدىكتىڭ 30 جىلدىعىن مەرەكەلەۋ جونىندەگى جالپىرەسپۋبليكالىق ءىس-شارالار جوسپارىنا سايكەس, مينيسترلىك بارلىق جوسپارلانعان ءىس-شارانى ۋاقتىلى جانە ساپالى وتكىزىلۋىن قامتاماسىز ەتەدى. ءاربىر ءىس-شارا ۇلتتىق مادەنيەتتى ىلگەرىلەتۋگە جانە داستۇرلەردى جاڭعىرتۋعا, سالاۋاتتى ءومىر سالتىن ناسيحاتتاۋعا جانە بۇقارالىق سپورتتى, ونىڭ ىشىندە ۇلتتىق سپورت تۇرلەرىن دامىتۋعا, ەلدىڭ تۋريستىك تارتىمدىلىعىن ارتتىرۋعا باعىتتالعان.

بارلىق ءىس-شارا جىل باسىنان بۇقارالىق اقپارات قۇرالدارىندا كەڭىنەن ناسيحاتتالۋدا. بۇگىندە 500-دەن استام ماتەريال جارىق كوردى. مادەنيەت جانە ونەر قايراتكەرلەرى مەن بەلگىلى سپورتشىلاردىڭ قاتىسۋىمەن 200-دەن استام سۇحبات بەرىلدى. مينيسترلىككە باعىنىستى ۇيىمداردىڭ رەسمي پاراقشالارىندا مادەنيەت جəنە سپورت سالاسىنىڭ جەتىستىكتەرى, مەملەكەتتىڭ تۋريستىك الەۋەتى تۋرالى 60-دەن استام بەينەروليك ازىرلەندى.

مىسالى, العىس ايتۋ كۇنىنە ارنالعان «العىس ايتۋ – پارىزىم» چەللەندجى جانە «مەديتسينا قىزمەتكەرلەرى مەن مۇعالىمدەرگە العىس!» اكتسياسى ىسكە قوسىلدى. رەسپۋبليكالىق ۇيىمدار دارىگەرلەر مەن مۇعالىمدەرگە ارنالعان «مەيىرىمدى بولايىق باۋىرلار» جانە «دوستاردىڭ مۋزىكالىق كەشى» شىعارماشىلىق كونتسەرتتەرىن ۇيىمداستىردى. 14 ناۋرىزدا «كورىسۋ كۇنى» كىشىلەردىڭ ۇلكەندەرگە سالەم بەرۋ, قۇرمەت كورسەتۋ, ىزگى تىلەكتەر مەن باتالار ايتۋ داستۇرىنە نەگىزدەلگەن بىرقاتار ءىس-شارالار وتكىزىلىپ باق تا كەڭ كورىنىس تاپتى. ەلدەگى ەپيدەميولوگيالىق جاعدايدى ەسكەرە وتىرىپ, ءىس-شارالاردىڭ كوپشىلىگى ونلاين فورماتتا ۇيىمداستىرىلدى.

جالپى تاۋەلسىزدىكتىڭ 30 جىلدىعى اياسىندا جىل سوڭىنا دەيىن بىرقاتار مادەني ءىس-شارا وتكىزىلەدى. شىلدەدە 30 جاڭا جوعارى كوركەم ونەر تۋىندى جاساۋ ءۇشىن «ەلىم مەنىڭ»  جانە «تاۋەلسىزدىك تولعاۋى» رەسپۋبليكالىق كونكۋرسى باستالادى. ال قورىتىندىسى تاۋەلسىزدىك كۇنى قارساڭىندا شىعادى», دەدى مينيستر.

ماراپاتتاۋدان كەيىن مينيستر مەن باق وكىلدەرى ارنايى كونتسەرتتى تاماشالادى.