ءتورت مىڭنان استام ەلوردالىق ءۇي كارانتينىن بۇزعان

«Ashyq» قوسىمشاسى ارقىلى جۇمىس ىستەيتىن نىسانداردا 5 ءساۋىر مەن 28 ماۋسىم ارالىعىندا 4039 ادام ءۇي كارانتينىن بۇزعانى انىقتالدى, ونىڭ ىشىندە 1888 ناۋقاس جانە 2151 بايلانىستا بولعان ادام بار. بۇل تۋرالى نۇر-سۇلتان قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆا ءمالىم ەتتى.

سارحات بەيسەنوۆانىڭ ايتۋىنشا, 11-28 ماۋسىم ارالىعىندا ءۇي كارانتينىن بۇزعان 491 ادام انىقتالدى (جۇقتىرعاندار, ياعني «قىزىل» ستاتۋسى بار – 247 ادام, ال جاقىن بايلانىستا بولعاندار, «سارى» ستاتۋسى بار – 244 ادام).  

«دەپارتامەنت ءتارتىپ بۇزۋشىلاردىڭ ءۇي كارانتينىندەگى ۋاقىتىن انىقتاۋ جۇمىسىن جۇرگىزۋدى باستادى. اۋماقتىق باسقارمالار سانيتارلىق-ەپيدەمياعا قارسى (پروفيلاكتيكالىق) ءىس-شارالاردى جۇرگىزۋ تۋرالى 23 قاۋلى تاپسىردى, سونداي-اق قر اقبتك 425-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتۋ تۋرالى 4 حابارلاما بەردى», دەپ مالىمدەدى سارحات بەيسەنوۆا.  

باس مەملەكەتتىك سانيتارلىق دارىگەر قۇقىق بۇزۋشىلاردىڭ باسىم بولىگى نىسانداردا انىقتالعانىن حابارلادى. تيىسىنشە ناۋقاستاردىڭ ەڭ كوپ سانى دا سول ورىنداردا تىركەلەدى. ەسىل اۋدانىندا – 33%, الماتى اۋدانىندا – 30%, سارىارقا اۋدانىندا – 22% جانە بايقوڭىر اۋدانىندا – 15%.