قازاقستاندىق بوكسشى جانىبەك ءالىمحان ۇلى (10-0, 6 كو) الەمنىڭ بۇرىنعى چەمپيونى امەريكالىق روب برانتتى (26-3, 18 كو) جەڭگەننەن كەيىن BoxRec-ءتىڭ P4P رەيتينگىندە جوعارىلادى, دەپ حابارلايدى Egemen.kz.
جەكپە-جەك وتكەن دەمالىستا لاس-ۆەگاس قالاسىندا بولدى. جانىبەك التىنشى راۋندتا روب برانتتى نوكداۋنعا ءتۇسىردى, ال سەگىزىنشى راۋندتان كەيىن امەريكالىقتىڭ كومانداسى جەكپە-جەكتى جالعاستىرۋدان باس تارتتى.
وسىدان كەيىن ءالىمحان ۇلى BoxRec-ءتىڭ P4P رەيتينگىندە قازاقستاندىق بوكسشىلار اراسىندا ەكىنشى ورىنعا كوتەرىلدى, ال تىزىمدە ءبىرىنشى گەننادي گولوۆكين تۇر (41-1-1, 36 كو).
سونىمەن قوسا قازاقستاندىق بوكسشىلاردىڭ P4P رەيتينگىندەگى توپ-5 تىزىمدە ايدوس ەربوسىن ۇلى (15-0, 10 كو), قانات يسلام (28-0, 22 كو) جانە دانيار ەلەۋسىنوۆ (10-0, 6 كو) بار.