«سامارا-شىمكەنت» تاسجولىندا اۆتوبۋس اۋدارىلىپ, ءۇش ادام دارىگەر كومەگىنە جۇگىندى, دەپ حابارلايدى Egemen.kz.
وقيعا «سامارا - شىمكەنت» تاسجولىنىڭ 916-شاقىرىمىندا بولدى. جولاۋشىلار اۆتوبۋسى بوگەتساي اۋىلى ماڭىندا اۋدارىلعان. «اۆتوبۋس ىشىندە 12 جولاۋشى بولعان. ونىڭ ۇشەۋى - بالا. جۇرگىزۋشى جول قوزعالىسى ەرەجەسىن ساقتاماي, وڭ جاققا قاراي اۋدارىلىپ كەتكەن. بەلگىلى بولعانداي, ولار اقتوبە قالاسىنان ىرعىز اۋدانىنىڭ كالينين اۋىلىنا وتباسىلىق مەرەكەگە بارا جاتقان. ءۇش ادام دارىگەر كومەگىنە جۇگىندى. ونىڭ ەكەۋى جەڭىل جارالانسا, بىرەۋى اقتوبە قالاسى جەدەل جاردەم اۋرۋحاناسىنىڭ تراۆماتولوگيا بولىمىنە ءتۇستى», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.