تۇركيا پرەزيدەنتى رەجەپ تايىپ ەردوعان رەسەيلىك ارىپتەسى ۆلاديمير پۋتينمەن تەلەفون ارقىلى سويلەستى, دەپ حابارلايدى Egemen.kz.
كرەملدىڭ ءباسپاسوز قىزمەتىنىڭ حابارلاۋىنشا, كوشباسشىلار تۇركيا مەن رەسەي اراسىنداعى رەيستەردى قالپىنا كەلتىرۋدى, سونداي-اق كوروناۆيرۋسىنىڭ جاڭا تۇرىنە قارسى Sputnik V رەسەي ۆاكتسيناسىن تۇركياعا جەتكىزۋ جايىن تالقىلادى. مەملەكەت باسشىلارى ەكىجاقتى قاتىناستاردان بولەك, تاۋلى قاراباق پەن سيرياداعى جاعداي تۋرالى دا پىكىر الماستى.
«تاۋلى قاراباق جايىندا پىكىر الماسۋ ءوتتى. ونىڭ ىشىندە اتىستى توقتاتۋ جانە اسكەري وپەراتسيالاردى باقىلاۋ ورتالىعىنىڭ جۇمىسىنا وڭ باعا بەرىلدى. تۇركيا پرەزيدەنتى رەسەي, ارمەنيا مەن ءازىربايجان باسشىلارىنىڭ 2020 جىلعى 9 قاراشاداعى جانە 2021 جىلعى 11 قاڭتارداعى مالىمدەمەلەرىندە بەكىتىلگەن كەلىسىمدەردىڭ تولىق ورىندالۋىن قامتاماسىز ەتۋ جونىندەگى رەسەيدىڭ كۇش-جىگەرىن قولدايتىندىعىن ءبىلدىردى», دەلىنگەن حابارلامادا.
سونداي-اق ۆلاديمير پۋتين اقش پرەزيدەنتى دجو بايدەنمەن جەنەۆادا وتكەن كەلىسسوزدەردەن العان اسەرىمەن ءبولىستى.